Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Alberto Surio: Eredu publikoaz hausnartu behar dugu


2011-06-29 10:41

EITBren zuzendari nagusiak azpimarratu du kontratu merkantilak dituzten langileen egoera arautzeko lanean ari direla eta horretarako Eusko Jaurlaritzarekin Lan Eskaintza Publiko bat adostuko dutela.

Alberto Surio Euskal Irrati Telebistaren (EITB) zuzendari nagusiak eredu publikoaz hausnarketa egiteko beharra azpimarratu du krisi testuinguru honetan, izan ere, agian inoiz ez gara lehengora itzuliko.

Erakunde publikoaren zuzendariak Radio Euskadin egin dioten elkarrizketa batean azaldu duenez, agintaldiko lehenengo bi urteetan ekaitz perfektua pairatu du bi arrazoi nagusirengatik: digitalizazioa eta krisi ekonomikoa.

Suriok esan du digitalizazioaren iraultza teknologikoak eragin duen audientzia zatiketa jasan duela EITBk, kaltetuenak kate autonomikoak izan direlako. Gainera, kontsumo ohiturak ere aldatu egin direla uste du.

Ekonomia krisiari dagokionez, EITBren zuzendari nagusiak aitortu du baliabideak murriztu egin direla eta agian ez dela egoeraren araberako murrizketa bat soilik izango, beraz, eredu publikoaz hausnarketa egiteko beharra azpimarratu du. Dena dela, baliabide murrizketa horrek EITBren bizkarrezurrari, edukien sorkuntzari, kalterik ez egitea izango omen dute helburu.

Suriok argitu du aurrekontuen balizko murrizketak zehazteke daudela, Eusko Jaurlaritzarekin negoziatzen ari direlako oraindik. Erakunde publikoak egonkortasun ekonomikoa behar duela gaineratu du.

Lan Eskaintza Publikoa

EITBren zuzendariak jakinarazi du kontratu merkantilak zituzten langileen egoera arautzeko lanean dihardutela eta, horri begira, Eusko Jaurlaritzarekin Lan Eskaintza Publiko bat abiatzeko negoziaketetan murgilduta daudela.

Borroka politikotik kanpo

Alberto Suriok arduratsu jokatzeko deia egin die politikariei, erakundearen kudeaketaren inguruan desadostasunak egon daitezkeen arrean, EITBk borroka alderdikoitik kanpo egon behar duelakoan.

Berdintasuna

Bestalde, Suriok gogorarazi du atzoko Administrazio Kontseiluan generoen berdintasunerako plan bat aurkeztu zuela kolaborazioetan berdintasuna bermatzeko irizpideak ezartzeko eta alor horretan kate publikoen abangoardian daudela esan du.

Mapa politiko berria

Maiatzaren 22ko hauteskundeen ostean osatutako mapa politiko berriaz galdetuta, protagonismoa terrorismoaren eta indarkeriaren amaiera iristeko itxaropenarena dela adierazi du, esperantza handia dagoelako. Bake agertoki hori nola eraikitzen den izango da garrantzitsuena, indarkeriaren eta intolerantziaren zauriak sendatu behar dira, gaineratu du.

Donostia, kultur hiriburu

EITBren zuzendaria gustura agertu da Donostiari egokitu zaiolako 2016an Europako Kultur Hiriburu izatea. Euskal Irrati Telebistak Europako kultur hiriburuaren leiho izateko duen konpromisoa berretsi du.

Alberto



Informazio gehiago:Eitb: Alberto Surio: Eredu publikoaz hausnartu behar dugu

74 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin