Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Alarma erradioaktiboa, Fukushiman hirugarren eztanda jazo eta gero


2011-03-15 06:54

- IAEAk baieztatu du isuri erradioaktiboa dagoela.

- Erradiazioa Tokiora eta Errusiara heldu da, baina oraingoz ez dago arriskurik herritarrentzat.

- Hiriburuko bizilagunak elikagaiak biltzen ari dira.

Japoniako agintariek ohartarazi dute erradiazio maila handitu egin dela gaur goizaldean, Fukushimako zentral nuklearreko bigarren erreaktorean beste eztanda bat (hirugarrena azken egunetan) eta laugarrenean sute bat jazo eta gero.

Energia Atomikoaren Nazioarteko Agentziak (IAEA) baieztatu egin du erradioaktibitate isuria dagoela. Erradiazioa Tokiora eta Errusiara iritsi da, baina oraingoz badirudi ez dagoela arriskurik herritarrentzat.

Eztandaren ostean, erradiazio maila muga legala baino zortzi aldiz handiagoa izan da, Kyodo agentziaren esanetan.

Handik eta hiru ordura, sutea piztu da zentralean, eta kalte handiak egin ditu laugarren erreaktorean.

Fukushiman 50 langile baino ez daude une honetan, gehienak, 800 inguru, ebakuatu egin baitituzte.

Gainera, Gobernuak zentraletik 30 kilometroko eremuan etxetik ez ateratzeko eta leihoak itxita izateko dei egin die herritarrei.

Garraio Ministerioak arrisku eremua ezarri du Fukushimaren inguruetan, eta debekatu egin du bertatik hegan egitea. Hirugarren erreaktorean, erradiazio maila pertsonentzat segurua dena baino 400 aldiz handiagoa da.

Isuri gehiago egoteko arriskua gero eta handiagoa da, ohartarazi du Naoto Kan lehen ministroak. Dena dela, lasaitasunez jokatzeko eskatu die herritarrei.

Kyodo agentziaren esanetan, erradiazioa muga legala baino 33 aldiz handiagoa da Utsunomiyan, Tochigi probintziaren hiriburuan (Tokioren iparraldean), eta bederatzi aldiz handiagoa Kanagawan (hegoaldean).

Tokion ere erradiazio partikulak atzeman dituzte. Maila ohi baino 20 aldiz handiagoa da, NHK telebista-kateak zehaztu duenez, baina agintariek azaldu dute ez dagoela arriskurik herritarren osasunarentzat.

Beste hainbat probintziatan, Kanagawan eta Saitaman kasu, ere erradiazio maila oso handia da, eta Errusiara ere iritsi da.


Herritarrak, elikagaiak biltzen

Testuinguru honetan, Tokioko bizilagunak ebakuazioak antolatzen eta elikagaiak eta bizigaiak biltzen hasi dira, etxean bakartuta geratuko diren beldur baitira.

Hainbat dendatan produktuak agortzen ari dira, tartean irratiak, linternak, kandelak, erregaia eta lozakuak.
 

Fukushimako



Informazio gehiago:Eitb: Alarma erradioaktiboa, Fukushiman hirugarren eztanda jazo eta gero

52 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin