Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Akordioa sinatu dutenek Barcina eta Lopezekin bilerak nahi dituzte


2011-09-30 15:55

Lehendakariaren proposamena berandu iritsi dela uste dute, baina ongietorria eman diote, gatazka politikoa alde guztien pausoekin soilik amaituko delako.

Gernikako Akordioa sinatu duten elkarteek, besteak beste ezker abertzalea, EA, Alternatiba eta Aralar, Patxi Lopez lehendakariarekin eta Nafarroako presidentea, Yolanda Barcinarekin, bilerak eskatu dituzte normalizazio politikoaren inguruan hitz egiteko.

Ohar batean esan dute lehendakariaren proposamena ?berandu? iritsi dela Akordioa sinatu dutenek ?azken urtean dinamika politika eta sozial sutsu baten bitartez? lortu duten eszenatoki politikora.

?Berandu bada ere eta kanpo ekintzak behartuta egin duen arren, ongietorria eman nahi diogu eszenatoki berri honetara, gatazka politikoa amaitzea alde guztien pausoekin soilik lortuko dugulako? esan dute.

Politika orokorreko eztabaidan lehendakariak egin zuen proposamenaren harira argitaratu dute oharra, izan ere baldintza batzuk betetzen badira ETAko presoak hurbiltzea proposatu zuen Patxi Lopezek.

Elkarte hauek Gernikako Akordioa adi-adi irakurtzea gomendatu diote lehendakariari, ?gatazka konpontzeko benetako bidai orria dela konturatuko delako?, adierazi dute.

Azkenik, helburu berdinekin, Yolanda Barcina Nafarroako presidentearekin bilera ere eskatu dute.



Informazio gehiago:Eitb: Akordioa sinatu dutenek Barcina eta Lopezekin bilerak nahi dituzte

86 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin