Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Airelineak, Spanairrek Loiun utzitako hutsunea bete nahian


2012-01-30 07:55

EasyJetek data aurreratu eta gaur hasiko da Bilboko aireportutik hegaldiak eskaintzen. Astelehen korapilatsua espero da aireportuetan, Spanairreko krisiaren eta Iberiako grebaren ondorioz.

Astelehena egun zaila izango da aireportuetan. Loiun, esaterako, Spanairren itxierak 23 hegaldi atera barik geratzea ekarriko du, Aenak aditzera emandakoaren arabera.

Spanairren egoerari Iberiak deitutako grebaren ondorioak gehituko zaizkio. Ondorioz, Loiun Madrilera zihoazen sei hegaldi lurrean geratuko dira eta bi hegazkin bakarrik joango dira Espainiako hiriburura.

Hala ere, gaurtik Madrilera joateko aukera gehiago izango dira: Easyjet konpainiak Loiu eta Madril lotzeko hegaldiak otsailaren 19tik martxan jartzea aurreikusita zuen, baina data aurreratu eta gaur bertan hasiko da Bilbon lanean.

Hori horrela, Bilbo eta Madril artean egunean lau hegaldi izango dira. Gerora, kopurua zortzi hegaldira igotzea espero dute.

Spanairrek, mila euro langileei

Bestalde, Spanairrek mila euro ordaindu dizkie langileei, urtarrileko nominaren zati bat, Ricardo Oso enpresa batzordeko presidenteak Europa Pressi esandakoaren arabera.

Enpresako iturriek adierazi dutenez, hurrengo egunetan langile bakoitzari zor diona ordaintzeko itxaropena daukate.

Spanairren itxierak 2.000 lanpostu kolokan utzi ditu. Lurreko eta bulegoetako langileak astelehenean lanera joan beharko dute, enpresak komunikatu batean jakinarazi bezala.

Ordaindutakoa berreskuratu

Spanair eta Aire-Garraioaren Nazioarteko Elkartea akordio batera iristear daude bidaiariei erabili gabeko txartelen dirua bueltatzeko asmoz.

Konpainiak komunikatu batean esan duenez, akordio horri esker bidaia agentziek dirutan edo transferentziaz ordaindutako txartelen dirua bidaiariei itzultzeko aukera izango dute.

Txartelak webgunean edo bidaia agentzia beatean kreditu txartela erabilita erosi dituztenek, aldiz, euren banketxeekin hitz egin beharko dute.

Itxieraren ondorengo lehen aste honetan, Spanairrek 83.006 bidaiari hegaldirik gabe utziko ditu.

Loiun



Informazio gehiago:Eitb: Airelineak, Spanairrek Loiun utzitako hutsunea bete nahian

76 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin