Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Aire-kontrolatzaileen sindikatuko buruzagiak auzipetu dituzte


2011-09-20 23:15

Aire-kontrolatzaileen sindikatuko zuzendaritza-batzordea auzipetu dute abenduaren 3ko eta 4ko gatazkan ustez izandako erantzukizunagatik.

Aire-kontrolatzaileen sindikatuko (USCA) zuzendaritza-batzordea auzipetu dute abenduaren 3ko eta 4ko gatazkan ustez izandako erantzukizunagatik. Sedizioa, bortxa, lanpostua uztea eta bidaiariak bahitzea leporatzen diete.

Kontrolatzaileek kontrol-dorreak uzteko erabakiaren atzean sindikatuko buruzagiak izan zirela uste du epaileak. Egoerak okerrera egin eta Defentsa Ministerioak esku hartu behar izan zuen. Langileek utzitako lanpostuak hartu zituzten soldaduek, aire trafikoa berregituratzeko.

Sindikatuko kideak abenduaren 2an deitu ote zituzten azaldu beharko dute USCAko buruzagiek epailearen aurrean. Izan ere, hurrengo eguneko batzar horietan gatazka aurrera eramatea erabaki zuten kontrolatzaileek. Espainia osoko 400 aire-kontrolatzailek lanpostuak utzi zituzten abenduaren 3an eta 4an.

Camilo Cela USCAko presidenteak bi aldiz deklaratu zuen uztailean, kontrolatzaile eta sindikatuko presidente gisa. Kaosaren arduradun bakarra AENA enpresa publikoa izan zela adierazi zuen Celak, kolektiboari inposatutako aldaketengatik.

Jose Manuel Acevedo USCAko presidenteordea, Abel Hernandez idazkari nagusia, Cesar Alvarez Cabo Komunikazio idazkari ohia eta Daniel Zamit sindikatuko bozeramailea deituko ditu epaileak orain.



Informazio gehiago:Eitb: Aire-kontrolatzaileen sindikatuko buruzagiak auzipetu dituzte

43 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin