Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Aintzane Ezenarrok ukatu egin du EAJra joango dela


2012-02-07 12:46

Aralarren bozeramaileak onartu du gai jakin batzuetan EAJrekin ados egon daitekeela eta berretsi egin du Aralar Amaiur koalizioko kide izatearen aurka agertu zela.

Aintzane Ezenarrok gezurtatu egin ditu bere etorkizuna EAJn dagoela dioten zurrumurruak. Nabarmendu nahi dut Aralarreko bozeramailea naizela, Aralarreko kidea naizela eta Aralarren jarraituko dudala, adierazi du Radio Euskadin egindako elkarrizketan.

Militantzia politiko bakarra Aralarren egin dut, oso gustura egon naiz, proiektu honetan erabat sinetsita nago eta Aralarren izan naizen azken 9 urteotako ideiak berak defenditzen jarraitzen dut, azpimarratu du.

Zurrumurru horien atzean oinarrian dagoen eztabaidari heldu nahi ez dioten pertsonak daudela esan du. Argumenturik ez dutenean, pertsonei eraso egitera jotzen dute, salatu du.

Nolanahi ere, Ezenarrok onartu du zenbait gaitan EAJrekin ados egon daitekeela. Nik ez daukat ezkerreko beste sektore batzuek EAJri dioten ezinikusia; ikuspuntu ideologiko eta politiko batzuk konpartitzen ditugu, adierazi du.

Ildo beretik, Ezenarrok berretsi egin du Aralar Amaiur koalizioaren baita hauteskundeetara joateko erabaki taktikoaren kontra egon zela. Aralarren baitan ez da eztabaida sakonik eman etorkizunean ezker abertzale ofizialarekin bidea egin behar dugun edo ez erabakitzeko, kritikatu du.

Ezenarroren arabera, ezker abertzaleak giza-eskubideen esparruan asko du egiteko, haiekin elkarlan estrategiko bat egin ahal izateko. Bakoitzak bere espazioa duela, baina unean unean Aralar eta ezker abertzalea elkarlanean aritzea posible dela esan du.





Informazio gehiago:Eitb: Aintzane Ezenarrok ukatu egin du EAJra joango dela

57 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin