Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

AHT Gelditu-k 5.000 milioitan zifratu du euskal Yaren ibilbidea


2011-12-14 18:26

Gauzak dauden bezala egonda, AHTan haur eta lehen hezkuntzan baino 13 aldiz gehiago eta bigarren hezkuntzan baino 10 aldiz gehiago xahutzea kritikatu du Plataformak.

Euskal Yaren eraikuntzarako 5.000 milioi euro erabiliko direla kalkulatu du AHT Gelditu mugimenduak, eta bide batez obren berehalako gelditzea eskatu du.

Abiadura Handiko Trenaren (AHT) aurkako plataformak 3.807 milioitan zifratu du euskal Yaren eraikuntza, eta kopuru horri hiriburuetan egin beharko diren sarbideen kostua gehitu beharko zaio. Beraien kalkuluen arabera, hiriburu bakoitzean 476 milioi gastatuko da, kantitate hau baita Gasteizen trenaren lurperatzeak izango duen kostua. Guztira, 5.235 milioi gastatzea aurreikusten dute.

Esleitutako obren prezioa 1.777 milioikoa da, eta eraikitzeke dagoen tarte bakoitzari antzerako portzentai bat emanez gero, orain arte 759 milioiri dagokien tarteak eraiki dituzte. Horregaitik, oraindik soilik ibilbide guztiaren % 14,5 eraikita dagoela ohartarazi dute.

% 7ko murrizketa gizarte laguntzan

AHTaren eraikuntzarako 379,7 milioiko aurrekontua bideratu duten bitartean, EAEko aurrekontu orokorra iazkoa baino % 1 jaitsi dela jakinarazi dute Plataformatik. Zentsu horretan, egoera ekonomiko larrian dauden EAEko familiek laguntza soziala % 7an murriztuta ikusiko dutela gaineratu dute.

Horregatik, eta gauzak dauden bezala egonda, euskal Yaren ibilbidean ohiko trenbidean baino 50 aldiz gehiago inbertituko dela aipatu dute. Gainera, AHTan haur eta lehen hezkuntzan baino 13 aldiz gehiago eta bigarren hezkuntzan baino 10 aldiz gehiago xahutuko dela kritikatu du Plataformak. Azken finean, aldiriko trena, hezkuntza publikoa edota egoera ekonomiko kaskarrean dauden familiak lagundu ordez, AHTa erabil dezakeen elitea saritu nahi da inbertsio hauekin, gaineratu dute.

AHTaren



Informazio gehiago:Eitb: AHT Gelditu-k 5.000 milioitan zifratu du euskal Yaren ibilbidea

84 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin