Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Ahernek Rajoyri: ETAren arazoa enkistatu daiteke, heltzen ez badiozu


2012-01-29 12:29

Ahernek arrazoia eman dio Rajoyri ETAk desegin eta egindako mina onartu behar duela esaten duenean, baina eurekin hitz egitea beharrezkoa dela gaineratu du.

PPk lehentasuna krisi ekonomikoari ematea ulergarria iruditzen zaio Bertie Ahern Irlandako lehen ministro ohia eta Donostian indarkeriaren amaierarako egin zen Aieteko Konferentziaren bultzatzaileetako bati, baina heltzen ez diren arazoak, ETArena adibidez, enkistatu egiten direla ohartarazi du.

Sabino Arana saria jaso du Ahernek Bilbon, ETAk jarduera armatua uzten zuela iragartzeko Aieteko Konferentziako bultzatzaileetako bat izateagatik.

Aurtengo sariak Donostiako Nazioarteko Bake Konferentzia, Deustuko Unibertsitatea, Bilboko Merkataritza Ganbera, Eunate Agirre bodyboardlaria, Maite Lafourcade irakaslea eta Construcción y Auxiliar de Ferrocarriles S.A (CAF) euskal enpresak jaso dituzte.

Aurretik egin duten prentsaurrekoan, Ahernek adierazi du ados dagoela Rajoyk ETAk desegin eta egindako mina onartu behar duela esaten duenean. Baina era berean, taldeko buruzagiekin bildu behar duela ohartarazi du nola egin adosteko.

Berak eta Tony Blairrek horixe egin zutela azaldu du eta prozesua arrakastatsua izan zela. Gobernuari zer egin behar duen esatea ez dela bere asmoa argitu du, eta soilik Irlandako bake prozesuan berak izan zuen esperientzia helarazi nahi diola. Traumatikoak eta gustukoak ez diren erabakiak hartu behar izan zituztela esan du, baina bakea lortzeko ezinbestekoak, hala nola, IRAko presoak askatzea.



Sabino



Informazio gehiago:Eitb: Ahernek Rajoyri: ETAren arazoa enkistatu daiteke, heltzen ez badiozu

109 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin