Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Aginte aldaketa egiteko ekimena sinatu du Yemengo presidenteak


2011-11-23 18:16

Era berean, Yemengo oposizioak Golkoko Lankidetza Kontseiluaren ekimena sinatu du. Krisiari amaiera emateko aginte aldaketa baketsua bideratzen du ekimenak.

Ali Abdala Saleh Yemengo presidenteak Golkoko Lankidetza Kontseiluaren ekimena sinatu du gaur Riaden. Krisiari amaiera emateko aginte aldaketa baketsua bideratzen du ekimenak.

Era berean, Yemengo oposizioak ekimena aplikatzeko mekanismoa berretsi du zeremonian. Ekitaldia Saudi Arabiako telebistak zuzenean eman du.

Boterea modu baketsuan uzteko borondatea beti izan duela defendatu du Salehk, baina alderdi politikoek hori aspaldi arbuiatu zutela gaineratu du, izan ere, Sanako erregimenaren aurkako oposizioarekin bat egin zuten alderdiek.

Ekimena sinatu ostean emandako hitzaldian, boterea monopolizatzerik nahi ez duela errepikatu du Salehk, eta iraultza arabiarrak kritikatu ditu.

Horrela, Abdo Rabu Mansur Hadi Yemengo presidenteordeak ekimena aplikatzeko eskumenak bere gain hartu eta presidentetzarako hauteskundeak antolatuko ditu. Printzipioz, hauteskundeak agiria sinatu eta 90 eguneko epean egin behar dituzte, Yamal Benomar NBEko arduradunak azaldu duenez.

Hiru hilabete horien ostean, bi urteko trantsizio epe bat hasiko da eta batasun nazionaleko gobernu bat osatu beharko dute. Era berean, elkarrizketa nazionalerako kongresu bat antolatuko dute parte-hartze handia bermatzeko.


Tratamendu medikoa New Yorken

Bestalde, Salehk New Yorkeko zentro mediko batean tratamendu medikoa jasoko duela adierazi du gaur Ban Ki-moon NBEko idazkari nagusiak. Ekimena sinatu eta gero, Yemengo presidentea New Yorkera joango da.

Ekainaren 3an Yemengo presidenteak atentatu bat pairatu zuen. Erasoaren ondorioz, bularrean eta buruan zauriak jaso zituen eta Saudi Arabiako ospitalera batera eraman behar izan zuten. Sanako egoitzaren aurka jaurtigai bat bota zuten erasotzaileek.

Ali



Informazio gehiago:Eitb: Aginte aldaketa egiteko ekimena sinatu du Yemengo presidenteak

65 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin