Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Afrikara itzuli da Erlea aldizkariaren 4. zenbakia


2011-05-06 18:17

Bernardo Atxaga idazle eta euskaltzain osoak zuzendu zenbaki hau ere. Zein da Afrikako literaturaren hizkuntza? galderari erantzun nahi dio oraingoan aldizkariak.

Erlea kultura aldizkariaren laugarren zenbakia aurkeztu da ostiral honetan Bilbon, Euskaltzaindiaren egoitzan. Bernardo Atxaga idazle eta euskaltzain osoa da aldizkarizko zuzendaria, eta Euskaltzaindiak berak argitaratzen du.

Laugarren zenbaki honetan Afrikara itzuli da Erlea. Hirugarren zenbakian Aljeria eta Magreb izan ziren protagonistak, baina, orain, Afrika beltzera egin nahi dute bidaia, galdera hauei erantzuteko: Zein da Afrikako literaturaren hizkuntza? Europako hizkuntzetan idatzitakoa afrikar literatura da? Bakarrik hizkuntza indigenez sortua dagoena da afrikar literatura? Hautua egitekoa ezinbestekoa da?.

Asun Garikanoren aurkezpenaren ondoan, hiru ahots ekartzen ditu aldizkariak: Obiajunwa Wali nigeriarra, Ngugi wa Thiongo kenyarra eta 1995ean Nigeriako Gobernu militarrak urkatu zuen Ken Saro-Wiwa ogoni leinuko ingurumen aldeko ekintzailea.

Honez gain, Lander Arbelaitz, Juanjo Olasagarre, Urtzi Urrutikoetxea, Lorenzo Rojo eta Koldo Izagirre kazetari eta idazleek artikulu bana idatzi dute Afrikaz.

Bestelako gaiak badira aldizkarian: Xabier Lete, Jose Arratibel eta Jose Ordorika gogoan,
Jean Haritschelharri elkarrizketa, Josu Iztuetaren objektuak, Miren Agur Meabe, Anari,
Igor Estankona
eta Jon Casenaveren poema banaren atzeko aldeak, eta Joxemari Iturralde, Piarres Antziart, Aingeru Epaltza, Jabier Muguruza, Bernardo Atxaga, Andres Urrutia, Felix Ibargutxi eta Pello Esnalen artikulu eta ipuinak, besteak beste.

Pamiela argitaletxea arduratzen Erlea aldizkariaren edizioaz eta diseinuaz.


Bernardo

Informazio gehiago:Eitb: Afrikara itzuli da Erlea aldizkariaren 4. zenbakia

96 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin