Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

AEBek Gobernua gelditzea saihestu dute azken orduko akordioari esker


2011-04-09 09:57

Aurrekontuen akordiorako epea luzatzea adostu dute demokratek eta errepublikanoek. Datozen egunetan onartuko dituzten aurrekontuetan 38.500 milioi dolar inguruko murrizketak egongo dira.

AEBek Gobernuaren administrazioaren geldialdia saihestu dute azken orduan errepublikanoek eta demokratek lortu duten akordio bati esker. Akordio horrekin, Kongresuak luzatu egin du aurrekontuetan murrizketak sartzeko testua adosteko epea.

Akordioa lotu izan ez balute, administrazio federalaren bulegoak itxi egin beharko lituzkete, izan ere, gaur egun arte 2010eko aurrekontuak luzatuz biziraun dute, eta akordioa lortu izan ez balitz, lanik eta soldatarik jaso gabe geratuko lirateke 800.000 funtzionario.

Baina epea amaitu baino ordubete lehenago, John Boehner Ordezkarien Kongresuko presidente errepublikanoak agerraldia egin du epea datorren ostegunera arte luzatzea ekarriko duen akordioaren berri emateko.

Epe berri horrekin, Kongresuak denbora gehiago izango du datozen sei hilabeteetarako aurrekontuen inguruko testua idazteko, dagoeneko adostuta omen dagoen testua idazteko.

Kongresuko iturriek jakinarazi dutenez, datozen egunetan onartuko dituzten aurrekontuetan 38.500 milioi dolar inguruko murrizketak jasoko dituzte, hau da, errepublikanoek exijitutako kopurutik gertuago dago akordioa.

Demokratek eta errepublikanoek lortutako akordioak etorkizuneko aurrekontua ekarriko du eta inoiz egin dugun murrizketa handienak jasoko ditu, adierazi du Obamak akordioaren berri izan ondoren Etxe Zurian eman duen prentsaurrekoan.

Barack



Informazio gehiago:Eitb: AEBek Gobernua gelditzea saihestu dute azken orduko akordioari esker

52 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin