Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

AEB salatuko dituela mehatxu egin du Osama Bin Ladenen semeak


2011-05-10 22:40

Aitaren hilketa kritikatu du Omar Bin Laden Al Kaidako buruzagiaren laugarren semeak. Hilketa kriminala izan zela adierazi du.

Omar Bin Laden Osama Bin Laden Al Kaidako buruzagiaren laugarren semeak AEBetan ekintza legalak abian jartzeko eskubidea duela gogorarazi du gaur. Nazioarteko Justiziara jo dezakeela ohartarazi du, desagertutako aitaren benetako patua argitzeko.

Abu Walid al Masri ideologo islamiarraren atarian argitaratutako komunikatu batean, aitaren hilketa kritikatu du Omar Bin Ladenek. Hilketa kriminala izan zela adierazi du. Era berean, terroristaren gorpua itsasora botatzeko erabakia senideentzat iraina dela salatu du Omar Bin Ladenek.

Gure aitaren patua argitzeko erantzukizun legala Obama AEBetako presidenteak du. Ikuspuntu erlijiosotik onartezina da pertsona garrantzitsu baten gorpua modu horretan itsasora botatzea, familia eta jarraitzaileak iraintzen dituelako eta oinarri erlijiosoak eta milioika musulmanen sentimenduak desafiatzen dituelako, adierazi du Al Kaidako buruzagiaren semeak.

Abbottabaden (Pakistan), maiatzaren 2an Al Kaidako buruzagia akabatu zuen operazio militarraren inguruan emandako bertsioa egiaztatzen duen frogarik ez du eskaini AEBetako Gobernuak, Omar Bin Ladenen ahotan. Gainera, operazioan parte hartu zuten soldaduak sare terroristaren buruzagiaren gorpuaz berehala libratu zirela gogorarazi du semeak.



Informazio gehiago:Eitb: AEB salatuko dituela mehatxu egin du Osama Bin Ladenen semeak

60 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin