Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Abokatutza: Sortuk ETAren amaiera eskatu behar du legala izateko


2011-09-19 13:49

Sorturen helegitearen kontrako alegazioak aurkeztu ditu Estatuaren abokatuak, eta Fiskaltzak bihar egingo du, baina dagoeneko zabaldu den informazioaren arabera, Sortu ez legeztatzea eskatuko du.


Estatuaren Abokatutzak alegazioa aurkeztu du Sortuk bere ilegalizazioaren kontra sartutako helegitea atzera botatzeko eta ETA desagertzen ez den bitartean, edo Sortuk ETAren amaiera eskatzen ez duen bitartean, ezker abertzalea legez kanpo egongo dela adierazi du.

Hori da Estatuaren abokatuak, Gobernuaren izenean, aurkeztu dituen alegazioetako bat. Fiskaltzak bihar aurkeztuko ditu alegazioak Auzitegi Konstituzionalean.

Abokatutzaren idatzian azaltzen denez, inon ez da ageri ETAren eta ezker abertzalea-Batasunaren arteko hausturarik. Badirudi melodia berbera kantatzen duten bi koro direla, hasieran desarmonia askorik gabe eta bukaeran erabateko armoniarekin.

ETAk eta legez kanpoko ezker abertzaleko kideek adierazten dituzten jarreren artean bereizketarik ezin dela egin uste du abokatuak, pieza bera interpretatzen duten lau esku baitira.

ETA dagoen bitartean, armak dituen bitartean eta ezker abertzaleak ETArekin argi eta garbi hausten ez duen bitartean, ezingo du aktore politiko normal bat izan, gaineratu du Abokatutzak.

ETArekiko lotura ez duela hautsi argudiatzeko, Estatuaren abokatuak ETAren azken agiriaren aurrean Sortuk erakutsi zuen jarrera ekarri du gogora. Sorturen erantzuna isiltasuna izan zela dio.



Informazio gehiago:Eitb: Abokatutza: Sortuk ETAren amaiera eskatu behar du legala izateko

159 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin