Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Abisu laranja euriagatik asteburuan, Euskadin


2011-11-05 12:10

Euskalmeteko Añarbeko estazioak (Gipuzkoa) 61 litro metro karratuko jaso ditu 00:00etatik eta 56 litro metro karratuko Galean (Bizkaia). Abisua igandera arte mantenduko da indarrean.

Herrizaingo Saileko Larrialdiei Aurregiteko eta Meteorologia Zuzendariak abisu laranja ezarri du larunbaterako eta iganderako EAEn, euriteak direla eta.

Euskalmet Euskal Meteorologia Agentziak jakinarazi duenez, Añarbeko estazioak (Gipuzkoa) 61 litro metro karratuko jaso ditu larunbateko 00:00etatik eta 56 litro metro karratuko, Galean (Bizkaia).

Halaber, pilatutako gehienezko ur kopurua Bizkaian izan da, Abusuko estazioan (81 litro metro karratu bakoitzeko) eta Mungian (77 l/m2-ko).

Larunbatean, tenperaturek beheranzko joerari eutsiko diote. Tenperatura minimoak 10 gradu ingurukoak izango dira, eta maximoak 15koak. Zeruak oso estalita jarraituko du, eta zaparrada handi samarrak gerta daitezke egunaren azken orduetan, arratsaldetik aurrera. Iparraldeko haizea zakar ibiliko da, batez ere itsas- bazterrean eta mendi eremuan.

Haizeari dagokion abisu horia haizeguneetan 12tik 24ra (ordu lokala). Ipar-osagaiko haizeak haizeguneetan 100 km/h-ko abiadura gainditzeko probabilitatea handia da, bereziki kostaldean. Bestalde, itsasaldeko arriskuari dagokion abisu horia 18tik 24ra (ordu lokala). Olatuen altuera adierazgarria 3,5 m baino altuagoa izateko probabilitatea handia da. Ipar-mendebaldeko hondoko itsasoak 2 m inguruko olatuak altxatuko ditu.

Egoera are eta okerragoa izango da igandean. Euria etengabekoa eta indartsua izango da, eta Iparraldeko haizeak ere gogor joko du. Ekaitz-arriskua egongo da, eta euri asko egingo du, bereziki kostaldean, 80 litro metro karratuko muga gaindituta 24 orduren buruan. 

Haizeari dagokion abisu horia haizeguneetan 00tik 12ra (ordu lokala). Ipar-osagaiko haizeak haizeguneetan 100 km/h-ko abiadura gainditzeko probabilitatea handia da, bereziki kostaldean. Itsasaldeko arriskuari dagokion abisu horia 00tik 18ra (ordu lokala). Olatuen altuera adierazgarria 3,5-4 m baino altuagoa izateko probabilitatea handia da. Ipar-mendebaldeko hondoko itsasoak 2-2,5 m inguruko olatuak altxatuko ditu.

Aurreikuspenen arabera, egoerak hobera egingo du astelehenean, hilak 7. Tenperatura maximoek zertxobait gora egingo dute eta hodeiak gutxituz joango dira, bereziki eguerditik aurrera.

Eusko Jaurlaritzako Larrialdiei Aurre Egiteko eta Babes Zibileko Zuzendaritzak gomendatzen du ibilgailurik ez uzteko ibaien ertzetan, izan ere gerta liteke urak bat-batean gora edo gainezka egitea. Ahal bada, autorik ez hartzeko ere gomendatzen dute eta mendira irteerak eta kanpoan antolatutako txangoak saihestea.

Añarbeko



Informazio gehiago:Eitb: Abisu laranja euriagatik asteburuan, Euskadin

167 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin