Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Abian da EAJren Batzar Nagusia, EBBren 8. nor izango den zalantzarekin


2012-01-14 11:20

Iñigo Urkullu EBBren presidente izendatuko dute beste behin ere, bere bigarren agintaldia hasita alderdiaren buruan. Hala ere, begiradak Arabako EBBren ordezkariarengan izango dira.

Abian da Barakaldoko BECen Eusko Alderdi Jeltzalearen (EAJ) VI Batzar Nagusia, Euskadik nazio bezala aurrera egin dezan zazpi pauso, onartzeko asmoarekin, tartean, erabakitzeko eskubidearen errotzea.

Gaur, larunbata, behin betiko agiriak onartuko dira eta EBBren zortzi kide berriak aukeratuko dira. Lurralde bakoitzeko erakundeek (Bizkaia, Gipuzkoa, Araba, Nafarroa eta Ipar Euskal Herria) zortzina hautagai proposatu dituzte, eta beste hainbat lurraldez kanpoko organizazioetarako.

Bihar, igandean, Iñigo Urkullu -hautagai bakarra- EBBren presidente aukeratuko dute eta 11:30etatik aurrera ekitaldi ireki bat ospatuko dute BECen.

Zuzendaritzako zortzi kide berriak aukeratzeko bozketa bat egingo dute, Batzar Nazionaleko 71 kideek soilik, eta bertan behartuta izango dira lurraldeetako batzarrek adostutakoa jarraitzera.

Aurreko fase horretan bost bizkaitar, bi arabar eta gipuzkoar bat izan ziren izendatuak EBB osatzeko; tradizioz egin izan denaren kontra (bost bizkaitar, bi gipuzkoar eta arabar bat).

Emaitza hori aldatzeko beharrezkoa izango da Arabako ordezkariren batek -Pilar Garcia de Salazar Ardanzaren idazkari ohia eta Gonzalo Saenz de Samaniego Nekazaritza sailburu ohia- EBBren kide izatea ukatzea.

Xabier Barandiaran eta Aitor Olaizola dira Gipuzkoako EAJk proposatutako hautagaiak EBBren kide izateko.

Gerenabarrena: Exekutibak alderdiko kideek aukeratuko dituzte

Iñaki Gerenabarrena Arabako EAJko presidenteak adierazi duenez, exekutibak alderdiko kideek aukeratuko dituzte, ez beste inork. Batzar Nagusia hasi baino lehen komunikabideen aurrean azaldu duenez, hautaketa prozesuak daudenean ez dago oreka konturik, alderdiko kideen aukeraketak baizik, hau da, arau zehatz batzuk dituen prozesuari amaiera ematea.

Euskadi, nazioa

Halaber, alderdikideek azken hilabeteotan alderdiaren oinarriak izan dituen eztabaida zehaztuko dute. Eztabaida hiru agiri estrategikoen inguruan mugitu da, tartean Euskadi Nazioa Europan deiturikoa. Azken honekin EAJk proposamen politikoa eguneratu nahi du, politikan eta krisi ekonomikoan izandako aldaketa sakonak tarteko direla.

EAJk nazio gehiagorekin aro berrian sartzea eta eskubide historikoen eguneratzea eta erabakitzeko eskubidearen errotzea proposatuko du. Herrialdearekin konprometituko den Eusko Jaurlaritza berreskuratzeko asmoa ere du.

Alderdikide jeltzaleak

Joseba Egibar EAJren Gipuzku Buru Batzarreko presidenteak adierazi du egungo euskal burgesia berria Bildun eta Amaiurren sartzen ari dela, ez EAJn. EAJko militante izan nahi duen jenderik ba ote dagoen galdetuta, Egibarrek gaineratu du 1986an, EAJ eta EA bereizi zirenean, militante jeltzale oldea izan zela, baina egun bat edo beste joaten dela Batzokira militante jeltzale izatek

Informazio gehiago:Eitb: Abian da EAJren Batzar Nagusia, EBBren 8. nor izango den zalantzarekin

88 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin