Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Aberats britainiar baten lagundutako suizidioa, BBC katean ikusgai


2011-06-13 19:53

Peter Smedley ostalariaren azken egunak erakutsiko ditu astelehen gauean Hiltzeko modua aukeratu izenburuko dokumentalak. Smedleyk Suitzako Dignitas klinikara jo zuen bere buruaz beste egiteko.

Peter Smedley Britainia Handiko ostalari aberatsaren lagundutako suizidioari buruzko dokumentala emitituko du astelehen gauean BBC kate publikoak. 71 urteko gizonezkoa Suitzako Dignitas klinikara joan zen joan den abenduan bere buruaz beste egiteko laguntza jasotzera.

Hil aurretik, gutunak idatzi zizkien lagunei, eta horien ezustekoa handia izan zen haren omenez deitutako ekitaldi batean BBC kateko lantalde bat agertu zenean. Ordura arte ez genekien Dignitas klinikara joan zela eta ez genekien hitzik ere dokumentalari buruz, adierazi du haren lagun batek.

Smedleyk gaitz neuromotor bat zuen, duela bi urte diagnostikatu ziotela. Dignitas klinikara berarekin joateko gonbidapena egin zion Terry Pratchett dokumentalaren ekoizleari. Suitzako zentro horretan bere buruaz beste egin zuen ostalariak, pozoi bat edanda.

Alzheimerren gaixotasuna antzeman zioten Pratchetti duela hilabete batzuk, eta, ordutik, lagundutako suizidioa legeztatzearen aldeko kanpaina egiten ari da. Dokumentala datorren astelehenean emitituko dute, Hiltzeko modua aukeratu izenburupean.



Informazio gehiago:Eitb: Aberats britainiar baten lagundutako suizidioa, BBC katean ikusgai

77 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin