Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Abanto-Zierbanan piztu den sutea itzali nahian daude suhiltzaileak


2011-10-01 14:19

Bestalde, Kantabriako suhiltzaileak Karrantzatik gertu piztu den beste sute bat itzaltzen ari dira, Kantabriako lur eremuan.

Tenperatura altuek eta haize bortitzak eraginda hainbat sute piztu dira Karrantzan, Pozalagua auzotik oso gertu, Kantabriako lur eremuan. Bi foko edo sorgune dituen sutea atzoz geroztik. Foko edo sorgune handia kontrolpean dute jada, ez ordea txikia.

Sutea itzaltzeko lanetan Bizkaiko suhiltzaileak eta Kantabriako larrialdietako helikoptero bat ari dira.

Sutea atzo piztu zen eta suhiltzaileek itzaltzea lortu bazuten ere, tenperatura altuek eta haizeak gaur berpiztu egin dute.

Bigarren sutea Abanto-Zierbenako Las Cortes auzoan dago. Goizeko hamarrak bost gutxitan jaso du SOS DEIAK-ek lehen abisua, eta geroztik ari dira lanean suhiltzaileak.

Oso gune aldapatsua da eta suhiltzaileek sutea kontrolatzeko zailtasunak dituzte. Pinu gazteak eta sastrakak dauden lur eremua ari da erretzen.

Urioste, Artatza eta Balmasedako suhiltzaileak ari dira itzaltze lanetan.

Basoko sutea izateko arriskua

Eusko Jaurlaritzako Larrialdiei Aurre Egiteko eta Metereologiako Zuzendaritzak asteburu osorako EAEn basoko sutea izateko arriskua oso handia dagoela iragarri du.



Informazio gehiago:Eitb: Abanto-Zierbanan piztu den sutea itzali nahian daude suhiltzaileak

213 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin