Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

6.000 pertsonak etxetik kanpo lo egin dute berriz Lorcan


2011-05-13 08:52

- Hiriko etxebizitzen erdiak ez dira bizitzeko egokiak.

- Bederatzi biktimen hileta-elizkizunak 11:00etan egingo dituzte.

- Gobernuak lehen laguntzak onartuko ditu gaur.

Sei mila pertsonak Lorcan jarritako bost kanpamentuetan pasatu dute gaua berriz, oraindik ezin izan baitira etxera itzuli, larrialdi zerbitzuek jakinarazi dutenez.

Gehienak etorkinak dira, gainerakoak senideen edo laguneen etxera joan ahal izan baitira.

Francisco Jodar alkateak azaldu duenez, familia asko etxera itzuli ahal izan dira dagoeneko, eta, horrenbestez, gaur gauean atzo baino jende gutxiago izango da kalean.

Lurrikaren balantzea beldurgarria da: etxebizitzen % 80k kalteak dituzte, erdiak ez dira bizitzeko egokiak eta kalte materialak 36 milioi eurokoak dira.

Ingeniariek eta arkitektoek kalteak zenbatzen eta eraikinen egoera aztertzen jarraituko dute gaur.


Hiletak, 11:00etan

Bien bitartean, Lorcak azken agurra emango die gaur lurrikaren ondorioz hildako bederatzi pertsonei.

Ekitaldia 11:00etan izango da, eta Jose Manuel Lorca Planes Cartagenako gotzainak emango du meza.

Besteak beste, Jose Luis Rodriguez Zapatero Espainiako Gobernuko presidentea eta Asturiasko printze-printzesak izango dira bertan.


Gobernuaren laguntzak

Bestalde, Espainiako Gobernuko Ministroen Kontseiluak lehen neurriak onartuko ditu gaur, Lorcako kaltedunei laguntzeko.

Alfredo Perez Rubalcaba Barne ministro eta lehen presidenteordeak aurreratu duenez, biktimen familiei 18.000 euro emango dizkiete.
Halaber, etxebizitzak alokatzeko laguntzak ere onartuko dituzte.



Kaltedunentzako telefono zenbakia: 900 117 816


src=http://www.eitb.com/multimedia/images/2011/05/13/474589/474589_lorca_detalle_1.jpg/



Informazio gehiago:Eitb: 6.000 pertsonak etxetik kanpo lo egin dute berriz Lorcan

64 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin