Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

34 milioiko laguntza onartu dute, familia eta lana bateragarri egiteko


2011-03-15 14:00

Iaz baino 7 milioi gehiago bideratuko dituzte, Gemma Zabaleta Gizarte Gaietarako sailburuak zaldu duenez.

Eusko Jaurlaritzak 33,9 milioi euroko partida onartu du gaur langileei familia eta lana bateragarri egiteko diru-laguntzak emateko, iaz baino 7 milioi gehiago. Laguntza-programa hori Seme-alabak dituzten Familiei Laguntzeko Erakundeen II. Planaren barruan kokatzen da.

Kontziliaziorako laguntzak dekretuz arautzen dira, eta ondoko egoeretan laguntzeko dira: Langileek seme-alabak zaintzeko hartutako eszedentzia edo lanaldi murrizketa; menpetasun-egoeran edo osasun-egoera oso larrian dauden senitartekoak zaintzeko eszedentzia edo lanaldi-murrizketa; eta seme-alaba adingabeak zaintzeko langileen kontratazioa.

Familia eta lana bateragarri egiteko laguntzen inguruko arautegian aldaketak egin zituzten iaz, Gemma Zabaleta Gizarte Gaietarako arduradunak gaur azaldu duenez.

Gauzak horrela, diru-laguntzen zenbatekoak igo egin dira, bai eszedentziagatik bai lanaldi-murrizketagatik. Igoera handiagoa da eskatzailea emakumea bada, laguntzaren eskatzailea gizona zenean aplikatzen zen diskriminazio positiboa ezabatu egin baita.

Horrela, dekretua onartu aurretik emakumeek 2.400 euro jasotzen zituzten urte bateko eszedentziagatik, eta gizonek, berriz, 3.000 euro. 2010eko dekretua onartu zenetik, eskatzaileek 3.500 euro jasotzen dituzte eszedentziagatik, eskatzailea gizona zein emakumea izan.

Lanaldia % 45 murrizteagatiko urteko laguntza 2.800 eurokoa izango da; lanaldia %40 murrizteagatiko urteko laguntza 2.500 eurokoa, eta lanaldia %33 murrizteagatiko laguntza 2.200 eurokoa, hurrenez hurren.

Seme-alabak zaintzeko eszedentziarako edo lanaldi-murrizketarako laguntzetan eskola-oporraldi laburrak metatzeko aukera ematen da, gutxieneko 59 egunak osatu arte. Lehen, aukera hori erabat baztertuta zegoen, lanaldi-murrizketagatiko 59 eszedentzia-egun baino gehiago modu jarraituan bildu behar zirelako. Iaz onartutako dekretuarekin, denboraldi txikiagoak batu daitezke, 59 eguneko muga horretara etenka iritsi arte.

Murrizketei dagokienez, laguntzak jasotzeko epea haurrak zortzi urte bete arte luzatzen dira, eta, oro har, orain arteko indarreko araudian neurri horiez baliatzeko ezarritako gehienezko mugak handitu egin dira.

Senitartekoak zaintzeko eszedentzia hartzeagatiko edo lanaldia murrizteagatiko laguntzaren kasuan, diru-laguntzak jasotzeko aukerak zabaldu egiten dira, ahaidearen osasun-egoera oso larria ere aintzat hartzen baita.

Era berean, seme-alaba adingabeak zaintzeko langileak kontratatzeko laguntzen kasuan, laguntza lortzeko betekizun murriztaileak ezabatu dira.



Informazio gehiago:Eitb: 34 milioiko laguntza onartu dute, familia eta lana bateragarri egiteko

69 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin