Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

34 hildako eta 88 zauritu Iraken izandako hainbat atentatutan


2012-01-05 13:00

Erasoak xiien aurka izan dira, Bagdadeko iparraldean eta herrialdeko hegoaldean, indarkeria erlijiosoaren gorakada baieztatuta.

Bonbaz egindakohainbat atentatuk 34 hildako eta 80 zauritu baino gehiago utzi dituzte Iraken.

Alde batetik 29 pertsona hil dira eta 68 zauritu, Bagdad Irakeko hiriburuan eskualde xiien aurka ostegun honetan bonbaz izandako atentatu bikoitz bitan, poliziaren eta ospitaleetako iturrien arabera.

Hasiera batean, Bagdadeko ipar-ekialdeko Sadr Hirian lehergailu bik eztanda egin dute. Horietako bat aparkatutako motozikleta batean kokatuta zegoen, eta bestea errepide parean jarritako bonba bat.

Ondoren 16 pertsona hil dira eta 36 zauritu Kadhimiya Bagdadeko ipar-mendebaldeko barrutian, poliziak adierazi duenez. Hango biztanle gehienak ere xiiak dira. Gainera, segurtasun indarrek lehergailu bi gehiago topatu eta desaktibatu dituzte hiriburuan.

Goizegi da inori errua botatzeko, ikerkuntzetako hainbat puntu argitu behar ditugu eta, adierazi du Qassim al Musaui Bagdadeko operazio zentroko bozeramaleak. Terroristen eta prozesu politikoaren etsaien aurka gerran gaude eta, beraz, eztanda arraro hauek ez gaituzte harritzen, ohituta gaude, gaineratu du.

5 hildako eta 20 zaurituIrakeko hegoaldean

Beste alde batetik bost pertsonahil dira eta 20 zauritu xiien aurka Irakeko hegoaldean izandako atentatubatean, Poliziaren hitzetan.

Erasoa Nasiriyako mendebaldeandagoen polizia-kontrol batean gertatu da, Bagdadetik 300 kilometrohego-ekialdera.

Indarkeria erlijiosoaren gorakada

Atentatu oldea indarkeria erlijiosoaren gorakadarekin batera dator, Nuri al Malikik Tareq al Hashemi sunien presidenteordea atxilotzea eta Sale al Mutlaq lehen ministro ordea kargutik kentzea agindu ondoren, abenduaren 18an .

Lau egun beranduago, eta AEBetako tropak Irak utzi eta handik gutxira, gutxienez 72 lagun hil ziren Bagdaden eta inguruetan xiien aurka izandako hainbat atentatutan.



Informazio gehiago:Eitb: 34 hildako eta 88 zauritu Iraken izandako hainbat atentatutan

53 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin