Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

31 urteko espetxe zigorra Otazua taldeko hiru kiderentzat


2012-02-13 16:39

Auzitegi Nazionalak 19 urteko espetxe zigorra ezarri die giza hilketaren saiakuntza delituagatik eta beste 12 zauri terroristengatik.

Auzitegi Nazionalak 31 urteko espetxe zigorra ezarri die Daniel Pastor, Iñigo Zapirain eta Beatriz Etxebarria Otazua taldeko kideei 2007ko urriaren 9an PSEko zinegotzi baten autoan lehergailu bat jartzeagatik.

Atentatuan, zinegotziaren bizkartzaina zauritu zen eta horrela berretsi du zigor-arloko laugarren salak. Bakoitzari 19 urteko espetxe zigorra ezarri die epaileak giza hilketaren saiakuntza delituagatik eta beste 12 zauri terroristengatik.

Hala ere, beste giza hilketa baten saiakuntza delituagatik absolbitu egin ditu, izan ere, Juan Carlos Domingo zinegotzia oporretan zegoen, eta ez zuen atentatua jasan.

Hiru hilabetez taldeak zinegotzia jarraitu zuela frogatu du epaiak 2007ko urriaren 8ko gauean, bere ibiligailuan lehergailu bat jarri zuten arte.

Lehergailua autoaren azpialdean jarri zuten akusatuek, gasolina tangaren alboan (orohar bizkartzainak erabiltzen zuen eserlekuan), eta bitartean Zapirainek, Aritza, zaintza lanak egin zituen.

Lehergailuak hurrengo eguneko arratsaldeko 13:00etan egin zuen eztanda, Gabriel Gines Colas bizkartzaina Bilboko Abusu auzoan zihoala.

Leherketa handia izan zen, autoak su hartu eta erabat kiskalita geratu zen, baina bizkartzainak ibilgailutik ateratzea lortu zuen. Gabriel Ginesek bigarren eta hirugarren mailako erredurak jasan zituen aurpegian, buruan, lepoan, besoaren aurrealdean eta eskuineko eskuan, horrez gain, metraila zauriak ere jasan zituen.

Teresa Palacios epaileak zuzendutako epaimahaiaren iritziz, hiru akusatuek atentatuan parte hartu zutela frogatuta dago, joan den urtarrilaren 23an izandako epaiketan aztertutako froga multzoagatik eta 2011ko martxoan, Zapirainek, atxilotua izan zenean, bere burua errudun aitortu zuelako.



Otazua



Informazio gehiago:Eitb: 31 urteko espetxe zigorra Otazua taldeko hiru kiderentzat

59 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin