Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

2Dko bideoak 3Dra bihurtzeko gailu bat iragarri du Youtubek


2011-09-22 13:33

Horretaz gain, bideoak editatzeko bi aukera berri izango dira, eta bideo luzeak denbora mugarik gabe igo ahal izango dira.

Googlek YouTube bideo atarian duen gunean hobekuntza batzuk egingo dituela iragarri du. Horien artean, 2D formatuko bideoak 3D formatura bihurtzeko gailu bat, web horretan editatzeko bi tresna berri eta erabiltzaileei bideo luzeak (denbora mugarik gabe) igotzea eskaintzeko aukera nabarmendu behar dira.

2D formatuko bideoak 3D formatura bihurtzeko tresnaren kalitatea hobetuko dutela adierazi du Googlek. Zerbitzu berria proba fasean dago oraindik, eta dagoeneko webgunean dauden bideoen edizioen aukerari klik eginda probatu daiteke. Youtubek bideo horiek ikusteko gailu gehienetan betaurreko bereziak beharrezkoak izaten jarraituko dutela jakinarazi du.

Bestalde, hobekuntza berriek bideoen iraupenaren murrizketa ezabatzen diote historial garbia duten eta copyright arauak onartzen dituzten erabiltzaileei. 15 minutu baino gehiago dituzten bideoak igo ahal izango dira, baina bideoaren tamainak 20 GBetan izango du muga.

Aukera berri honen arrakasta bermatzeko, Youtubek igotzeko prozesua gelditzeko eta geroago hasteko aukera emango du. Beraz, sistemaren akats bat dela eta erabiltzailea bere kontutik ateratzen bada igoera automatikoki geldituko da, eta erabiltzaileak nahi duenean berriro aktibatu ahal izango du.

Gainera, Youtubek bere blogean adierazi duenez, bi zerbitzu gehiago izango dira, eta orain editatzeko botoiak aukera hauek izango ditu: Vlix eta Magisto. Lehenengoarekin, efektuak eta sarrerako eta amaierako errotuluak gaineratu ahal izango dira, eta bigarrenak automatikoki editatzen du bideoa klip dibertigarri bat bihurtuz.

Funtzio berri hauekin, erabiltzailearen edizio eta sorkuntza aukerak handiagoak izango dira. Ondorioz, Interneteko bideo webgune ezagunaren kalitatea handiagoa izango dela adierazi dute.

src=http://www.eitb.com/multimedia/images/2011/09/15/538764/538764_youtube-logo_detalle_1.jpg/



Informazio gehiago:Eitb: 2Dko bideoak 3Dra bihurtzeko gailu bat iragarri du Youtubek

61 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin