Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

247 milioiko desoreka salatu dute Gipuzkoako bidesareko lanetan


2012-01-17 15:24

Larraitz Ugarte Gipuzkoako Azpiegitura diputatuak salatu duenez, 247 milioiko zuloa jaso dute aurreko gobernutik, bigarren ingurabidean eta AP-1 errepidean izandako desorekak direla eta.Larraitz Ugarte Gipuzkoako Azpiegitura Saileko diputatuaren hitzetan, 247 milioi euroko zorra jaso dute aurreko Gobernutik; besteak beste, bigarren ingurabidean eta AP-1ean emandako desfaseagatik.

Larraitz Ugarteren ustez, eskandalu handiena topatu duten 247 milioi euroko zorra da, eta ez berak EAJri diruarekin ordainduko zutela emandako erantzuna. Ugarteren hitzetan, bigarren ingurabidean eta AP-1ean emandako desorekatik sortu da zorra.

EAJk Ugarteri eginiko kritikaz mintzatu da, izan ere, Donostiako bigarren gerrikoa ordaintzeko zer aurreikusten zuten galdetu zion jeltzaleak. Aldundiko bozeramailearen erantzuna momentuz bidaisariak kobratzen jarraituko dugu eta ordaintzeko falta dena, diruarekin ordainduko da, beste gauza guztiak bezalaxe, izan zen.

Ugarteren hitzetan ez dago errespetu faltarik erantzunean, errespetu instituzionala baizik, Batzar Nagusietan abian jarritako batzorde txostengileak erabakiko baitu Gipuzkoako errepideen finantziazio sistema.

Dena den, garrantzitsuena ez da erantzuna, galdera egin duenak 92 milioiko desfasea zergatik sortu den azaltzea baizik, erantsi du Ugartek, bigarren ingurabidearen esleipenaren preziok jasandako aldeari erreferentzia eginez.

Ugartek ziurtatu du Bilduren foru gobernuak antzeko beste zulo bat atzeman duela AP-1 errepidearen eraikuntzako bi tartetan, 155 milioi eurokoa, alegia.

Hori dela eta, Aldundiak 247 milioi euroko zuloari egin beharko dio aurre aipatu errepideek jasandako aldaketa edo lan osagarrien ondorioz, bere ustez, horiek aurretiaz jasota egon behar zuten.

Gauza bat 5 edo 10 milioiko desoreka da eta beste bat 247koa, erantsi du Ugartek. Diru horrek non amaitu duen galdetu du eta egon daitezkeen desoreka guztiak zorrotz aztertu beharko direla azpimarratu du.


Larraitz



Informazio gehiago:Eitb: 247 milioiko desoreka salatu dute Gipuzkoako bidesareko lanetan

73 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin