Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

20 agentek deklaratuko dute epaiketaren hirugarren saioan


2011-06-29 10:36

Atzoko saioan, Miren Zabaleta auzipetuak eta Rufi Etxeberriak deklaratu zuten, besteak beste. Gainera, Angela Murillo epaileak ere arretak bereganatu zituen.

Auzitegi Nazionalak aurrera darrai Bateragune auziko epaiketarekin. Gaur, hirugarren saioaren txanda.

Gaurko saioan 20 poliziak deklaratuko dute, lekuko gisa.

Bihar eta etzi defentsaren lekukoek egingo dute, tartean Txiki Muñozek (ELA), Ainhoa Etxaidek (LAB), Unai Sordok (CCOO), Floren Aoizek eta Tasio Erkiziak.

Atzoko saioan, besteak beste, Miren Zabaleta auzipetuak eta Rufi Etxeberriak deklaratu zuten. Azken horrek, lekuko gisa.

Etxeberriak azaldu zuenez, auzipetuak ezker abertzaleak bizi zuen noraeza kontuan hartuta elkartu ziren, estrategia bide politiko eta baketsuetatik bideratzeko.

Halaber, ezker abertzaleko barne eztabaidaren ondorioz, militanteek borroka armatua behingoz bukatzea erabaki zutela gaineratu zuen.

Bere aldetik, Zabaletak esan zuen Otegik bere diagnostikoa (gatazkaren blokeoa) adierazi ziola eta indarkeria politikoa alde batera uzteko beharra nabarmendu ziola.

Arnaldo izan zen ezker abertzalearen barruan eman beharreko eztabaida bideari argia jarri ziona, eta meloia zabaltzeko beharra azaldu zuena, erantsi zuen.

Deklarazioa amaitutakoan, Angela Murillo epaileak indarkeria politikoa zer den galdetu zion: Tiro bat garondoan? Atentatu bat? Hori al da inderkeria politikoa?.

Rufi Etxeberriak Otegiri emandako besarkada ere aipatu zuen epaileak: Ondo ezagutzen duzu eta izugarri maite duzu, ikusten dudanez.



Informazio gehiago:Eitb: 20 agentek deklaratuko dute epaiketaren hirugarren saioan

56 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin