Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

19 urteko kartzela zigorra Iruñean bikote bat sexualki erasotzeagatik


2012-02-08 17:53

Guztira, 19 urte eta erdiko kartzela zigorra ezarri diote akusatuari, eta horrez gain 18.000 euroko indemnizazioa ordaindu beharko dio neskari eta 12.000 eurokoa mutilari.

Nafarroako Auzitegi Probintzialaren Bigarren Epaitegiak 19 urte eta 6 hilabeteko kartzela zigorra ezarri dio gizon bati 2010eko San Ferminetan 20 urteko neska gazte bat eta bere bikotea erasotzea egotzita.

Konkretuki, Higuera de Vargasen (Badajoz) jaio baina Gazteizen bizi den 51 urteko S.A.A akusatuak 10 urte eta 6 hilabeteko kartzela zigorra jaso du neska bortxatzeagatik. Horrez gain, bere bikotea sexualki erasotzeagatik lau urteko zigorra ezarri diote, eta beste 5 urte larderiaz eginiko lapurretagatik.

Sententzian azaltzen denez, 2010eko uztailaren 10ean, 00:10 aldera, akusatua Gaztelu Plazazo lubakietan zegoen bikoteari hurbildu eta sua eskatu zien. Horiek erretzen ez zutela eta surik ez zutela erantzun zioten, eta momentu horretan 20 zentimetroko aiztoa erakutsi eta belarretara botatzeko agindu zien, zeukaten dirua ematera behartuz.

30.000 euro kalte-ordainetan

Horren ostean inguruko leku batera joatera behartu zien, mutilaren esku eta hankak San Ferminetako zapi batekin lotuz. Behin lotuta, neska biluzarazi eta mutil lagunari eta berari zirriak eta felazioak egitera behartu zuen.

Guztira, 19 urte eta erdiko kartzela zigorra ezarri diote akusatuari, eta horrez gain 18.000 euroko indemnizazioa ordaindu beharko dio neskari eta 12.000 euro mutilari.

Oraindik ere, akusatuak badauka Auzitegi Gorenaren aurrean errekurtsoa jartzeko aukera.




Informazio gehiago:Eitb: 19 urteko kartzela zigorra Iruñean bikote bat sexualki erasotzeagatik

90 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin