Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

18 eskola-orduak aldatzea ezinezkoa da Iribasen hitzetan


2011-09-26 13:33

Nafarroa, irakasleek eskola ordu gutxien dituzten erkidegoa dela esan du Hezkuntza sailburuak, Jose Iribasek, eta 18 orduak aldaezinak direla adierazi du.

Hezkuntza publikoan irakasleek asteko 18 eskola-ordu ematea aldaezina dela esan du Nafarroako Hezkuntza sailburuak, Jose Iribasek. Espainia osoan ordu gutxien dituzten erkidegoa dela gaineratu du.

Sindikatuek datorren urriaren 22an deitu duten manifestazioaren inguruan, Iribasek bertara joango direnek eskubide osoa dutela esan du, baina oso gaizki egingo dutela.

Ziur nago, hizkuntza eredu guztietako hezkuntza publiko eta hitzartutako irakasle askorekin hitz egin dudalako, helburu orokorra ikasleei kalitatea eskaintzea dela, esan du Jose Iribasek Iruñeako Andres Muñoz Garde eskolan ikasturte honi ofizialki hasiera eman ostean.

Horregatik, irakasleen erantzuna arduratsua izango dela adierazi du, ikasleek eskatzen duten mailan egongo direla.

Ahal duten hezkuntza baliabide gehienak ematen saiatuko direla azaldu du, baina optimizatzearen garrantzia azpimarratu du.

Azken urteetan, erakunde, elkarte eta herritar oro, gure ahalmenen gainetik bizi izan gara, eta orain, gauzak diru gutxiagorekin egitea dagokigu, gaineratu du Iribasek.

Hezkuntzak duen baliabide onena irakasleak direla berretsi du, eta iraganean egon diren ezberdintasun eta desakordioez gain, ikasleen onurak bilatzen badira beti eskua luzatuko diela esan die.




Informazio gehiago:Eitb: 18 eskola-orduak aldatzea ezinezkoa da Iribasen hitzetan

117 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin