Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

17 urteko adingabe batek Amaia Azkue gipuzkoarra hil zuela aitortu du


2011-08-18 07:33

Ertzaintza gazte hori ikertzen ari zen. Atzo, bere aitarekin batera, Adingabeen Fiskaltzan agertu zen hilketa aitortzeko.

Amaia Azkue 39 urteko gipuzkoarra hil egin zuela aitortu zuen atzo 17 urteko gazte batek Ertzaintzaren aurrean. Donostiako Adingabeen Fiskaltzara joan eta hiltzailea bera izan zela adierazi zuen, Herrizaingo Sailak jakinarazi duenez.

Ertzaintza gazte hori ikertzen ari zen. Atzo, bere aitarekin batera, Adingabeen Fiskaltzan agertu zen hilketa aitortzeko.

Urolaldeko gaztea berehala atxilotu egin zuten. Antza, martxoan izan zen hilketagatik ikertu du Ertzaintzak adingabea, eta bere deklarazioan hainbat kontraesan izan omen zituen.

Amaia Azkue Orion jaio eta Zarautzen bizi zen. Martxoaren 16an hilik agertu zen Ibaieder urtegian. Ertzaintzak ez du oraindik argitu hilketaren arrazoia zein izan zen, nahiz eta lapurretaren hipotesiak indar handia duen, Amaia Azkueren txartelarekin hiltzaileak dirua atera baitzuen Azpeitian.

Hiltzaileak Amaiaren autoa erabili zuen hil ondoren alde egiteko.

Azpeitiako presa batean aurkitutako emakumearen gorpuak indarkeria zantzuak zituela adierazi zuen bere egunean Herrizaingo Sailak. Emakumeak kolpe gogorrak zituen aurpegian.

Zarauzko taberna batean ikusi zuten azkenengoz, martxoaren 16an, eguerdiko 12:30etan, lagun batekin kafe bat hartzen ari zela.

Ondoren, ez zen etxera bueltatu, eta ez zen eskolara joan umeen bila; ondorioz, senarrak salaketa bat jarri zuen Ertzaintzan emakumearen desagerpena zela eta.

Gorpua aurkitu zuten tokiaren inguruan, Azpeitiako Muarbe auzoan, balineko pistola bat aurkitu zuen Ertzaintzak.

src=http://www.eitb.com/multimedia/images/2011/03/19/440896/440896_amaia_azkue_kontzentrazioa_concentracion_EFE_detalle_1.jpg/



Informazio gehiago:Eitb: 17 urteko adingabe batek Amaia Azkue gipuzkoarra hil zuela aitortu du

269 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin