Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

15 ordiziar atxilotuak enpresak eta tabernak lapurtzeagatik


2011-10-31 16:16

15 atxilotuak, denak errumaniar nazionalitatedunak, Ordiziako herritarrak dira. Talde honek Errioxan, Burgosen, Euskadin, Palentzian, Nafarroan eta Frantziako hegoaldean burutzen zituen lapurretak.

Nafarroako Guardia Zibileko Ondare Taldeko agenteek ostalaritza establezimendu eta enpresen lapurretan ziharduen talde espezializatu bat desartikulatu dute. Talde honek Errioxan, Burgosen, Euskadin, Palentzian, Nafarroan eta Frantziako hegoaldean burutzen zituen lapurretak

Nazionalitate errumaniarra duten hamabost gizonak Ordiziako herritarrak dira, 18 eta 54 urte bitarteko adina dute. Dagoeneko horietatik hamahiru kartzeleratu dituzte. Horrez gain, Bizkaian dagoen berziklapen enpresa bateko bi kide atxilotu dituzte, lapurtutako materiala erosteaz egotzita

Atxiloketez gain agenteek hainbat erregistro egin dituzte, non lapurretetan lortutako materiala errekuperatu duten, batez ere Zumarragako enpresa batean 20.000 euroko balioa zuten herraminta batzuk eta Arreko (Nafarroa) beste enpresa batean lapurtutako hainbat telebista

Guardia Zibileko iturriek azaldu dutenez Octanos izena zuen ikerketa aurtengo ekainean hasi zen, Polizia Judizialak, aurkeztutako salaketak ikertuz, Gipuzkoan kokatzen zen lapur talde bat zegoela susmatzen hasi zenean. 59 lapurreta egitera iritsi zen talde honek Espainiako iparraldean eta Frantziako hegoaldean burutzen zituen bere ekintzak. Prestaketa altuarekin egiten zituzten lapurretak, partaide bakoitzaren eginkizunak ongi bananduz.

Lapurreta modua

Taldekideek lapurreta egingo zuten lekuaren analisi zehatz bat egiten zuten, establezimenduak zituen segurtasun neurriak aztertuz eta baita sarbideak eta ihesbideak ikasiz. Ekintza guztiak goizaldean egiten zituzten, aste batean 6 lapurreta egitera heltzeraino.

Miranda de Ebroko enpresa batean 25 lapurreta erregistratu ziren, 300 kobre tona lapurtuz. Material horiek jarraian saltzen ziren, eta saldu gabe geratzen zirenak Errumaniara bildaltzen zituzten.

Bazekiten beraien akzio eremuak bost polizia talde ezberdin dituela, horrek polizia talde ezberdinen arteko lankidetzan eragin ditzakeen zailtasunekin.



Informazio gehiago:Eitb: 15 ordiziar atxilotuak enpresak eta tabernak lapurtzeagatik

87 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin