Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

1,5 milioi haurrek premiazko laguntza behar dute Somalian


2011-09-06 13:21

UNICEFek ohartarazi duenez, elikatu gabeko humeen % 75 Somaliako hegoaldean daude. Zeozer arin egiten ez badugu, baliteke hemendik aste gutxitara ume hauen gahiengoa hiltzea, iragarri du.

UNICEF Haurren Laguntzarako Nazio Batuen Funtsak astearte honetan jakinarazi duenez, 1,5 milioi haurrek premiazko laguntza behar dute Somaliako hegoaldean. Zonalde honetan 3 milioi lagunek behar dute laguntza. Zeozer arin egiten ez badugu, litekeena da hemendik aste gutxitara ume hauen gahiengoa hiltzea, iragarri du.

Malnutrizio larria duten sei hilabeteen eta bost urteen arteko 450.000 ume zenbatu dituzte joan den abuztutik. Haietariko 190.000 ume malnutrizioaren maila larrienetan daude eta horrek osasuntsu dauden baino hiltzeko bederatzi bider aukera gehiago dutela esan nahi du.

Malnutrizioa duten umeen % 75 hegoaldean daude eta zonalde horretako eskualde gehietan, sei umeetatik batek malnutrizio larria du, azaldu du Marixie Mercado UNICEFeko bozeramaileak Genevan eskainitako prentsaurrekoan.

Mercadok azpimarratu duenez, malnutriziorik mailarik handiena Bay eskualdean neurtu dute. Bertan, umeen % 58k du malnutrizio larria, Osasunaren Mundu Erakundeak zehaztutako baino lau bider gehiago (% 15).

Urtarrila eta uztailaren artean, UNICEFeko elikatzeko programek 63.400 haur artatu zituzten. Haietatik 547 ume hil ziren, % 1,2. Malnutrizio handia duten 90.080 ume ere artatu zituzten eta haietatik, 186 hil ziren, % 0,7.

Malnutrizio



Informazio gehiago:Eitb: 1,5 milioi haurrek premiazko laguntza behar dute Somalian

55 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin