Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

14 haur eta bi emakume hil dira NATOren eraso batean, Afganistanen


2011-05-29 11:01

Afganistaneko ofizial batek salatu duenez, 14 lagun hil eta hainbat zauritu dira, matxinoen aurkako operazio batean NATOk bi etxebizitza bonbardatu ostean.

Gutxienez 14 haur eta bi emakume hil dira larunbat honetan Helmanden, Afganistaneko hegoaldean, NATOren bonbardaketa baten ondorioz.

Herrialdeko ofizial batek salatu duenez, bonbardaketa Naw Zadeko barrutian izan zen. Matxinoen talde batek NATOren soldaduei eraso egin zien eta hegazkinetako babesa eskatu ondoren, Segurtasun Laguntzarako Nazioarteko Indarrek (ISAF) hegazkinak bidali zituzten eta bi etxebizitza bonbardatu.

Bost neskato, zazpi mutiko eta bi emakume izan dira hildakoak, zehaztu du Helmand herrialdeko gobernadorearen bulegoak.

ISAFekin adostu ondoren, agintari militarrek ikerkuntza talde bat bidali dute zonaldera, bonbardaketaren ostean izandako zibilen usteko heriotzei buruz informazioa biltzeko.

Joan den ostegunean, dozenaka matxino hil zituen ISAFek Nuristan probintzia gatazkatsuan. Hala ere, agintari lokalek salatu zutenez, 20 zibil eta 22 polizia agente hil ziren bertan.

Afganistaneko Nazio Batuen misioaren (UNAMA) datuen arabera, 2.777 zibil hil ziren iaz biolentziak jota. 2009. urtearekin alderatuta, % 15 igo da hildakoen kopurua.

Giza eskubideen erakundeak azaldu dutenez, hilketen gehiengoa talibanek eragindakoa omen da baina Afganistaneko agintariek diotenez, tartean Hamid Karzai presidentea, ISAFeko bonbardaketek eragindako zibilen heriotzak onartezinak dira.



Informazio gehiago:Eitb: 14 haur eta bi emakume hil dira NATOren eraso batean, Afganistanen

71 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin