Australiako meategi batean aurkitu dute diamantea eta 7,9 milioi euroko balioa izan dezake.
Rio Tinto konpainiak inoiz Australiako meategi batean topatu duten arrosa koloreko diamanterik handiena aurkitu dutela iragarri du. 12,76 kilate ditu eta merkatuan 7,9 milioi euroko balioa izan dezake.
Harri bitxi hau Rio Tintok Argylen ustiatzen duen metaegi baten aurkitu dute, Kimberly eskualdean, herrialdeko mendebaldean. Bertan, mundu osoan saltzen diren arrosa koloreko diamanteen % 90 aurkitzen dituzte.
26 urte pasatu dira Argylen hari bitxi honekin topo egiteko, eta agian, ez dugu inoiz horrelako besterik ikusiko, esan du konpainiak ohar baten bitartez.
Arrosa argia koloreko diamante honi Argyle Pink Jubilee izena jarri diote eta Richard How Kim Kam adituak zizelkatu eta distira emango dio Perth hirian.
Konpainiak esan duenez, Argyleko diamantea, Ingalaterrako Isabel II. erreginak ezkondu zenean jaso zuen opariaren antzekoa da, nahiz eta orduan diamantea Tanzaniako meategi batean aurkitu zuten.
2010ean Genevan egin zuten enkante batean, 24,78 kilateko arrosa kolore bortitzeko diamante bat 34,7 milioi eurogatik saldu zen.
