Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

110 km-h abiaduran gidatzeak matxurak eragin ditzake, adituren arabera


2011-03-23 10:01

Europako Ibilgailuen Berme Sarearen zuzendariak azpimarratu du kalteak egin ditzakeela kutsaduraren kontrako sistemetan, birziklatze balbuletan, katalizatzailean eta partikulen kontrako iragazkian.

Gobernuak energia aurrezteko gehienezko abiadura 120 km/h-tik 110 km/h-ra jaisteko neurriak matxurak eragin omen ditzake ibilgailuen kutsaduraren kontrako sistemetan, birziklatze balbuletan, katalizatzailean eta partikulen kontrako iragazkian, Mariano Asuncion Europako Ibilgailuen Berme Sarearen zuzendariak azaldu duenez.

Asuncionen esanetan, ibilgailua ez badoa martxari dagokion abiaduran, motorra ez da askatzen eta sistema kaltetuko duten kedarrak pilatuko dira.

Hori horrela, eta kalteak ez direla berehala atzemango zehaztu duen arren, Asuncionek esan du zalantzarik gabe arazoak emango dituela neurri horrek udan. Sei abiadura edo gehiago dituzten autoak izango omen dira kaltetuenak eta gehienetan matxura horiek ez dira markaren bermearen barruan sartzen.

Bestalde, mekanikoek diote auto bat seigarren martxan 110 km/h abiaduran biraketak oso baxu daramatzala eta, ondorioz, ez doala ongi eta horrek arazo mekanikoak sortzen dituela.

Arazo larrienak partikulen iragazkiari eragiten omen dio, autoaren biraketa kopuru altua behar baitu garbitzeko.

110



Informazio gehiago:Eitb: 110 km-h abiaduran gidatzeak matxurak eragin ditzake, adituren arabera

95 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin