Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

100.000 bisitari baino gehiago izan ditu aurten Durangoko Azokak


2011-12-08 13:00

Aiert Goenaga izango da Azokako zuzendari berria aurrerantzean. Hunkituta utzi du Jon Irazabalek kargua, Gerediaga Elkarteak 46. edizioaren balorazioa egiteko eman duen prentsaurrekoan.

100.000 bisitari baino gehiago hartu ditu Durangoko Azokak. Aurten Landakogunera sartu-urtenak neurtzen dituen sistema jarri dute,eta, lau egunetan 105.000 bisita zenbatu dituzte. Horretatik eguniknabarmenena abenduaren 6koa izan da, beste egunetakoekin konparatutabisitak bikoitzak izan baitira (40.000 bisita).

46. edizioaren balorazioa egiteko Gerediaga Elkarteak eskaini duen prentsaurrekoan eman dituzte datuok. Bertan, zuzendari berriaren izena ere eman dute. Aiert Goenaga izango da aurrerantzean Durangoko Azokako zuzendari berria. Azken hiru hamarkadetan Jon Irazabalek bete du lan hori, eta hunkituta esan dio agur zuzendari karguari. Urte hauetan alboan izan dituenak gogoratu ditu Irabazalek, eta belaunaldi aldaketak utzi duen bitxikeria ere aipatu du. Izan ere, Irazabal Azokan sartu zen urtean bertan jaio zen Aiert Goenaga zuzendari berria.

30 urte ondarrutarra da Goenaga. Enpresa eta administrazio zuzendaritzan lizentziaduna, pertsona eta erakundeen kudeaketan espezializatua. Lea Artibaiko sare industrialaren azterketa egin du Azaro Fundaziorako, eta, Gaindegia Elkartean, Euskal Herriko behatoki sozio-ekonomikoan, proiektu koordinatzailea izan da. Lea-Artibaiko, Mutrikuko eta Busturialdeko Hitzetako kudeatzailea izan da.

Zuzendari aldaketa ez da izango, ordea, berrikuntza bakarra. Bide berriari erantzuteko, arlokako zuzendaritzak definitu eta arlokako arduradunak eta lan-taldeak eratzeko bidea hasiko du Gerediagak.

Balorazioa

Azokako arduradunek azpimarratu dutenez, krisi ekonomikoak krisi, Durango Azokak erakutsi du euskarazko sorkuntzan aberastasun handia dagoela. Jendeak gauza berriak egiteko gogoa erakutsi du eta oso estilo eta molde diferenteetakoak.

Gainera, Durangoko Azokak erakutsi du liburuek eta diskoek merkatua badutela oraindik ere. Merkatu txikia izanik ere, liburuak eta diskoak saldu egin dira egunotan, gaineratu dute.



100.000



Informazio gehiago:Eitb: 100.000 bisitari baino gehiago izan ditu aurten Durangoko Azokak

256 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin