Produktu ekologikoen fabrikazioa aztertuko dute 300 aditu inguruk Bilbon

Juan Jose Ibarretxe lehendakaria eta Sabin Intxaurraga Ingurumen sailburua izango dira foroa inauguratuko dutenak
2004-05-11 10:05:33

KAIXO.COM

47 herrialdetako ia 300 aditu produktu ekologikoen fabrikazioaren inguruan mintzatuko dira bihar Euskalduna Jauregian hasiko den biltzarrean.

Foroak 150 erakundetako ordezkariak bilduko ditu, eta besteak beste, tailer tematikoak izango ditu. Helburua ingurumenarekiko errespetua bultzatzea da. Ekimenak hiru egun iraungo ditu eta aurreneko aldiz garapen bideragarriaren inguruko proiektu berritzaileei sariak emango zaizkie.

Juan Jose Ibarretxe lehendakaria eta Sabin Intxaurraga Ingurumen sailburua izango dira foroa inauguratuko dutenak. Besteak beste, Nazio Batuen Erakundeko adituen, Europako Batasunekoen, eta kudeaketa ekologikoan puntakoak diren herrialdeen partehartzea izango du.

Intxaurragak atzo aurreratu zuenez, oraindik ?bide handia dago egiteke euskaldunontzat, bideragarritasunaren printzipioak barnera ditzagun?.

Kongresua kontsumo eta produkzioan oinarrituta egongo den arren, adituek ingurumenarekiko dauden errespetu gabeko jarrerak aztertzeari ekingo diete. Izan ere, tailerretako batek eskolan bideragarritasunari ematen zaion garrantzia aztertuko du. Halaber, produktu ekologikoen benetako eskaria zein den ere izango da aztergai.

Iruzkin berria

Registroa Erabiltzailea edo E-posta: Pasahitza: Foroetan sarrera bat ipintzeko lehenengo erregistratu behar zara

Mezua Lege oharra onartzen dut

0 iruzkin aurkitu dira 0-tik 0-ra erakusten.    

   

-----------------------
dir.eccion.es- zabaldu- aupatu- bildu- meneame- del.icio.us
Berria lagun bati bidali