Manex Goienetxe hil egin da mendian, istripu baten ondorioz

Euskal Herriko historiaren ikertzaile sendoa, irasle, historiagile eta politika gertutik jarraitu zuen gizona izan zen
2004-05-05 08:30:48

KAIXO.COM/

Manex Goienetxe hil egin da mendiko istripu baten ondorioz. Igandean, maiatzak 2, Pic du Biscau-n mendian, Biarnon, elur-jauzi batek harrapatuta hil zen Manex Goienetxe euskaltzain urgazlea.

Manex Goienetxe Ezterenzubin (Nafarroa Beherea) sortu zen, 1942ko irailaren 22an. Historia eta Irakasle Ikasketak egin zituen.

Irakaslea, historiagilea, politika gertu-gertutik jarraitu zuen gizona. Euskal Herriko historiaren ikertzaile sendoa izan da; Histoire générale du Pays Basque - Euskal Herriko Historia lana dugu horren froga nagusia, oraindik idazten ari zena (bosgarren alea laster argitaratzekoa zen).

Seaskako idazkaria izan zen, 70eko hamarkadan. Baionako Etxepare Lizeoko zuzendari izana eta historiako irakasle bertan, bai eta Baionako Fakultatean ere. Bi tesi eginak zituen, lehena Nafarroa Behereko Foru modernoaz eta bigarrena Ipar Euskal Herriko historiografiaz, ?XVI. Mendetik XIX. erainoko euskal historiaren analisia? izenburupean.

EHAS alderdi abertzalearen sortzaileetako bat izan zen. IKAS elkartean lan handia egin du, bera zen bertako idazkari, Jean Haritschelhar buru zelarik. Beste batzuekin batera -Euskaltzaindiko Haritschelhar, Charritton...- Baionako Kultur Astea sortu zuen, lehenik, eta Udako Euskal Unibertsitatea, gero. UEUko lehen idazkari nagusia izan zen eta bertako zuzendaria, 1973tik 1976ra.

Pau-eko Unibertsitateko Departament d?Etudes Régionales ? Baionako Institut d?Etudes Basques-eko partaide zen.

Bere idazlanak aldizkari askotan argitaratu zituen, hala nola Herria, Enbata, Euskaldunak, Egin, Egunkaria, Gara, Berria, Larrun.

Euskaltzaindiak euskaltzain urgazle izendatu zuen 1975eko ekainaren 27an. Eusko Ikaskuntzako kidea ere bazen.

2002ko uztailean, UEUk omendu egin zuen.

Iaz hartu zuen erretiroa eta astero joaten omen zen mendira. Mendian hil da, Pic du Biscau-n, Biarnon, 2004ko maiatzaren 2an.


Argitaratutako lan nagusiak:

- Histoire de la Colonizacion Française au Pays basque.
- Livre Blanc de la langue et culture basques. 1974
- Les origines du problème basque. 1975
- Pays Basque Nord: un peuple colonisé. 1979
- L?opression coloniale française au Pays Basque. 1981
- Uztaritze au milieu du XII siecle. 1981
- Les origines de la asosiation Euskaltzaleen Biltzarra. 1984
- Fors et coutumes de Basse Navarre. 1985
- Baione guide historique. 1986
- Lapurdi. 1987
- Les basques et leur histoire. Mythes et réalités. 1993
- Histoire d?Anglet. 1997
- Histoire générale du Pays Basque I. 1998
- Histoire générale du Pays Basque II. 1999
- Histoire générale du Pays Basque III. 2001
- Histoire générale du Pays Basque IV. 2002

Iruzkin berria

Registroa Erabiltzailea edo E-posta: Pasahitza: Foroetan sarrera bat ipintzeko lehenengo erregistratu behar zara

Mezua Lege oharra onartzen dut

0 iruzkin aurkitu dira 0-tik 0-ra erakusten.    

   

-----------------------
dir.eccion.es- zabaldu- aupatu- bildu- meneame- del.icio.us
Berria lagun bati bidali