Kontseiluak manifestazioa deitu du ekainaren 5erako Iruñean Hizkuntz Eskubideak! Denon Konpromisoa" lelopean

Nafarroan hizkuntz eskubideek izan dituzten "atzerakada nabarmenengatik" erabaki dute Iruñean egitea
2004-05-14 12:47:01

KAIXO.COM/

Xabier Mendiguren Euskararen Gizarte Erakundeen Kontseiluko Idazkari Nagusiak iragarri du ekainaren 5ean, arratsaldeko 5´30etan, Iruñeko Golem zinemaretoetatik manifestazioa abiatuko dela.

Manifestazio honen bidez, euskararen normalizazioarekiko eta hizkuntz eskubideekiko konpromisoen aldeko deia egingo da. Jakina denez, Kontseiluak "Hizkuntz Eskubideak! Denon Konpromisoa" dinamika abian jarri du bi arrazoi nagusirengatik. Batetik, adierazle batzuek euskararen normalizazioa "moteltzen ari dela adierazten dutelako eta, bestetik, euskararen gizarte erakundeek jazarpen larria pairatu dutelako".

Kontseiluak euskararen normalizazioa lortzeko eta hizkuntz eskubideak babesteko neurriak hartzea gizarte osoari dagokiola defendatu du bere sorreratik. Orain, dinamika honen bidez, hiru arlotan lan egiten ari da konpromisoen bila: alderdi politikoen eta sindikatuen, enpresen eta entitateen, eta herritarren arloetan konpromisoak bultzatzen ari da.

Hizkuntz eskubideak lurralde eta administrazio maila guztietan "urratzen direla behin baino gehiagotan frogatu da", Kontseiluaren iritziz. "Hala ere, Nafarroan atzerapauso nabarmenak ikusi ditugu azken urteotan; horregatik, hizkuntz eskubideen aldeko manifestazio hau Iruñean egitea erabaki du Kontseiluaren zuzendaritzak".

Iruzkin berria

Registroa Erabiltzailea edo E-posta: Pasahitza: Foroetan sarrera bat ipintzeko lehenengo erregistratu behar zara

Mezua Lege oharra onartzen dut

0 iruzkin aurkitu dira 0-tik 0-ra erakusten.    

   

-----------------------
dir.eccion.es- zabaldu- aupatu- bildu- meneame- del.icio.us
Berria lagun bati bidali