Kantauri itsasoaren bizitza eta edertasuna 56 argazkiren bidez jasotzen duen erakusketa eta liburua aurkeztuko dituzte gaur Donostiako Aquariumean

Txomin Rivera urpeko argazkilari ezaguna da lanon egilea
2004-04-01 09:28:15

Karibe itsasoa eta Itxaso Gorriari buruzko liburu eta dokumental ugari aurki ditzakegu, baita haien fauna eta florari buruzkoak ere, leku hauetako
mirariak ezagutzera emanaz. Baina zenbat aukera izan ditugu ikuspuntu
erakargarri batetik Kantauri Itsasoko hondoak ikusteko? Oso gutxi.

Koral-arrezife baten koloreak, ezin dira parekatu, ez argitasunarengatik ez
tonu eta ñabardura-sorta handiarengatik, Kantabriar hondoekin. Hala ere, gure ur harrotuek aparteko Itxasoa bihurtzen duten ezaugarri zehatz batzuk dituzte, bere ur korronte bortitzekin, arrain pelagikoen zilarrezko
multzoekin, Maragota eta Gallano kolorista eta Gelidiuma-rekin (itsas-hondo harritsuak tindatzen dituen alga gorri bat da).

Kantauri Itsasoako bizitza argazkigintzaren bidez ezagutzera emateko asmoz,Donostiako Aquariumak, Txomin Rivera urpeko argazkilari famatuarekin batera, aldi baterako erakusketa antolatu du.

Erakusketak 56 argazki izango ditu eta gure itsasoaren edertasuna eta
indarra eta bertan aurki daitezkeen aniztasun biologikoa nabarmenduko dituen liburu batekin osatuko da, eskuliburu zientifikoetatik urrunduz.

Antolatzaileek adierazi dutenez, "gure hondartzetatik eta bainatzen garen eta ur-kiroletan aritzen garen
lekuetatik gertu, bizi-aniztasun handia dagoela zabaltzeko Itsas Jauregiak aurkitu duen modu onenetariko bat da erakusketa hau, horrela Aquariumaren helburuetara bere ekarpena eginez".

Itsasoa maitatzea xede

Bestalde, Txominen eta urpeko argazkilari eta urpekari askoren lanaren helburua ez da Kantauri Itsasoko ezaugarri estetikoak jasotzea bakarrik, baita ere, eta batez ere, itsaso hau gehiago maitatzea eta errespetatzea.

Azken finean, "gure itsas hondoetako edertasuna erakustea, ingurune hau
egoera onean mantentzearen garrantzia gizarteari erakusteko modu azkar bat
besterik ez da, bide batez gure itsasaldeak bainatzen dituen itsas honetan desagertu edo joan egin ziren espezieak kontserbatuz eta berreskuratuz joan gaitezen"".

Iruzkin berria

Registroa Erabiltzailea edo E-posta: Pasahitza: Foroetan sarrera bat ipintzeko lehenengo erregistratu behar zara

Mezua Lege oharra onartzen dut

0 iruzkin aurkitu dira 0-tik 0-ra erakusten.    

   

-----------------------
dir.eccion.es- zabaldu- aupatu- bildu- meneame- del.icio.us
Berria lagun bati bidali