Giza Zientziak Gipuzkoa XXI aurreneko foroa inauguratuko da gaur

Hamabi jardunalditan, kulturaren, politikaren, komunikabideen eta
Unibertsitatearen beraren esparruko ordezkariek hainbat gai landuko dituzte

2004-05-12 09:00:00

KAIXO.COM

Giza Zientziek Gipuzkoako Foroak kulturari, gizarteari,enpresari eta komunikazioari lotutako gaiak landu nahi ditu, gizartearen
eskariari erantzunez. Giza Zientzien Fakultateak antolatu du Fakultate
bertan eta Deustuko Unibertsitatearen Donostiako campusean gizarteari
zerbitzu egiteko prestatzen ari diren beste ekimenekin batera.

Hamabi jardunalditan, kulturaren, politikaren, komunikabideen eta
Unibertsitatearen beraren esparruko ordezkariek hainbat gai landuko dituzte,besteak beste, Kulturaren Euskal Plana, Hirien eta eskualdeen estrategia, Bizikidetza, elkarrizketa eta pluraltasuna, kultur aniztasuna, immigrazioa, eta komunikabideen egitekoa.

Gaiok Fakultatean garatzen diren 3 lan
ildorekin erlazionatuta daude Enpresa, Komunikazioa eta urritik aurrera
Kulturaren Zientzietako ikasketa berriekin.

Jardunaldiak gaur bertan hasiko dira arratsaldeko 17,00etatik 18,30etara, Deustuko Unibertsitatearen Donostiako campusean, eta nahi duen guztia bertara daiteke.

Foroaren lehen egunean Kultur Politikak erakundeen maila desberdinetan aztertuko dira. Bertan, Gurutz Larrañaga, Eusko Jaurlaritzako Kultural Sailburuordea, eta Imanol Agote, Gipuzkoako Foru Aldundiko Kulturako Zuzendari Nagusia ariko dira. Halaber, “Kultur Politika Gipuzkoan: Printzipioak, erakundeetako eta antolaketako ereduak” izenburupean Donostiako Kultur politikaz mintzatuko da Ramon Etxezarreta Donostiako Udaleko Kultura zinegotzia eta Europako kultur politikaren erronkak eta ildoak izango ditu hizpide Europako proiektuen eta ekimenen zuzendari Aurkene Alzuak. Moderatzaile lanetan, berriz, Elena Barrena Historia katedraduna ariko da.

Iruzkin berria

Registroa Erabiltzailea edo E-posta: Pasahitza: Foroetan sarrera bat ipintzeko lehenengo erregistratu behar zara

Mezua Lege oharra onartzen dut

0 iruzkin aurkitu dira 0-tik 0-ra erakusten.    

   

-----------------------
dir.eccion.es- zabaldu- aupatu- bildu- meneame- del.icio.us
Berria lagun bati bidali