Getxoko Udala ibilgailuek kalean eragiten duten zarata neurtzea aztertzen ari da

Iaz 33 salaketa jaso ziren Getxon zarataren ondorioz
2004-03-18 08:48:03

Getxoko Udala ibilgailuek kalean eragiten duten zarata neurtzea aztertzen ari da.

Halaber, Gobernu Batzarrak udalerriko ostalaritzako saltokien barruan eta kanpoan sortzen den soinu maila neurtzeko dituen kontratuak luzatzea erabaki du aste honetan.

Lan honetaz arduratzen den enpresak taberna, jantoki, dantzatoki eta industri instalakuntzetan egiten ditu neurketak, bai egunean zehar bai gauetan ere.

Iaz 2.641 euro bideratu ziren hortara eta zaratagatik 33 salaketa jaso ziren udalerrian. Halaber, 622 gertakari izan ziren Getxon gai horren inguruan.

Kontratu honen barruan sartzen ez bada ere, aipatu bezala, kalean ibilgailuek eragiten duten zaratak ere kontuan hartzea aztertzen ari da Gobernu Batzarra. ?Horretarako egungo arautegia aldatu beharko litzateke, herritarrentzako hiri lasaia eta atsegina mantendu ahal izateko, oraindik ikertzen ari bada ere?, zehaztu du Getxoko Alkate Iñaki Zarraoak.

Iruzkin berria

Registroa Erabiltzailea edo E-posta: Pasahitza: Foroetan sarrera bat ipintzeko lehenengo erregistratu behar zara

Mezua Lege oharra onartzen dut

0 iruzkin aurkitu dira 0-tik 0-ra erakusten.    

   

-----------------------
dir.eccion.es- zabaldu- aupatu- bildu- meneame- del.icio.us
Berria lagun bati bidali