Flandesko arduradunekin bildu da Azkarraga, enplegu politikei buruz hitz egiteko

Flandestik etorritako ordezkariek lehen eskutik ezagutu nahi izan dute Euskadiko gizarte-ekonomiaren garapena
2004-05-12 13:43:32

KAIXO.COM/

Justizia, Lan eta Gizarte Segurantza sailburu Joseba Azkarraga Flandesko Ekonomia eta Gizarte Kontseiluaren (Social-Economishe Raad Van Vlaanderen) arduradun nagusiekin bildu da, gaur goizean, Vitoria-Gasteizen, Eusko Jaurlaritzaren gizarte- eta enplegu-politiken inguruko gaiez hitz egiteko.

Flandesko ordezkaritza, Euskadiko Ekonomia eta Gizarte Kontseiluko presidente Rafael Puntonet lagun zuela, oso interesatuta agertu da Sailaren enplegu eta prestakuntza programak ezagutzeko.

Joseba Azkarragak lan-sustapenerako dauden hainbat laguntza-ildoren berri eman die, bereziki genero-berdintasunerako eta laguntza beharra duten gizataldeak (gazteak, emakumeak, iraupen luzeko langabetuak, etab.) laneratzeko laguntzei buruz.

Era berean, Flandestik etorritako ordezkariek lehen eskutik ezagutu nahi izan dute Euskadiko gizarte-ekonomiaren garapena, horrek ohiko ekonomiarekiko duen erlazioa, eta sektore horrekin sailak duen harremana.

Flandesko Gizarte eta Ekonomia Kontseiluaren ordezkariek hainbat bilera izan dituzte, aste honetan, Eusko Jaurlaritzako beste kideekin eta ekonomia eta gizarte arloko hainbat arduradunekin.

Iruzkin berria

Registroa Erabiltzailea edo E-posta: Pasahitza: Foroetan sarrera bat ipintzeko lehenengo erregistratu behar zara

Mezua Lege oharra onartzen dut

0 iruzkin aurkitu dira 0-tik 0-ra erakusten.    

   

-----------------------
dir.eccion.es- zabaldu- aupatu- bildu- meneame- del.icio.us
Berria lagun bati bidali