EuskoTren-ek Museoen Eguna ospatuko du datorren igandean Azpeitian

Euskal Museoak goizeko 10:30etatik 14:00etara irekiko ditu bere ateak, eta Lurrun Trenen zerbitzu berezia eskainiko du


2004-05-13 13:40:49

KAIXO.COM/

Eusko Jaurlaritzaren Garraio eta Herri Lan Sailaren esku dagoen EuskoTren Sozietate Publikoaren Trenbidearen Euskal Museoak Museoen Nazioarteko Eguna ospatuko du datorren igandean, Maiatzaren 16an, Azpeitian (Gipuzkoan) dituen instalazioetan.

Azpeitiko Museoan ohikoa denez, aurten, ospakizuna Museoen Nazioarteko Egunetik (maiatzaren 18a) gertuen dagoen igandera aurreratuko du.

Igandeko ospakizun egunean, Trenbidearen Euskal Museoak goizeko 10:30etatik 14:00etara irekiko ditu bere ateak, eta Lurrun Trenen zerbitzu berezia eskainiko du. Lurrun Trenaren irteerak eguerdiko 12:00etan eta 13:00etan izango dira.

Oraingo honetan, ibilbide horietarako erabili ohi den “Aurrera”, lokomotoraren ordez “Portugal” eta “Euzkadi” lokomotorak erabiliko dira. “Portugal” eta “Euzkadi” lokomotorak, penintsula osoko trenbide estuan zerbitzuan dauden lurrun lokomotora indartsuenak dira.

Horiekin batera, Museora hurbiltzen diren pertsonek “Espinal” lokomotoraren eboluzioak ere ikus ditzakete. Une honetan, Europa osoan zerbitzuan dagoen metro bateko zabalerako lokomotorarik zaharrena da. Halaber, Babock & Wilcox enpresatik ekarritako “Grafton” lurrun garabi bitxia ere ikusi ahal izango da.

Horrez gain, Museoak, tranbia historikoen zirkulazioak eta diesel lokomotorekin egindako maniobrak ere eskainiko ditu.

Lurrun Trenaren bi zirkulazio larunbatean, maiatzaren 15ean

Bestalde, datorren larunbatean, maiatzaren 15ean, EuskoTren-ek Lurrun Trenaren bi zirkulazio eskainiko ditu, Azpeitia eta Laskao artean. Zirkulazio horiek 12:30etan eta 18:00etan irtengo dira.

Informazio gehiago lortzeko, Museoaren telefono zenbakira dei daiteke: 943 15 06 77. Nahi izanez gero, fax zenbakiaren bitartez ere egin daitezke kontsultak: 943 15 07 46 bai eta posta elektronikoaren bidez ere: museoa.euskotren@sarenet.es.

Iruzkin berria

Registroa Erabiltzailea edo E-posta: Pasahitza: Foroetan sarrera bat ipintzeko lehenengo erregistratu behar zara

Mezua Lege oharra onartzen dut

0 iruzkin aurkitu dira 0-tik 0-ra erakusten.    

   

-----------------------
dir.eccion.es- zabaldu- aupatu- bildu- meneame- del.icio.us
Berria lagun bati bidali