Euskaltzaindiak La España metafísica liburua aurkeztuko du ostiralean

Euskaltzaindiaren Iker bildumaren liburu berria Pruden Gartzia Azkue Bibliotekako zuzendariak idatzi du
2004-05-12 13:32:49

KAIXO.COM

Datorren ostiralean, maiatzak 14, La España metafísica: lectura crítica del pensamiento de Ramón Menéndez Pidal (1891 – 1936) izeneko liburua aurkeztuko du Euskaltzaindiak. Liburua Akademiaren Iker bildumaren 16. alea da, Pruden Gartzia Azkue Bibliotekako zuzendariak idatzi du eta Euskal Herriko Unibertsitatearen eta Akademiaren arteko hitzarmenari esker argitaratu da.

Zertaz ari gara espainiar nazionalismoaz ari garenean? Funtsean, galdera honi erantzuna aurkitu nahi izan dio Pruden Gartziak, Menendez Pidal hizkuntzalari eta ikertzaileak horren gainean idatzitakoari helduta.

Esan bezala, aurkezpena maiatzaren 14an izango da, Euskaltzaindiaren egoitzan (Plaza Barria, 15), eguerdiko 12:00etan.

Mahaian honako hauek izango dira: Henrike Knörr, euskaltzainburuordea eta Euskal Filologian katedraduna (EHU); Ludger Mees, EHUko Euskara errektoreordea eta Garaiko Historian katedraduna (EHU); Mercedes Cabrera, liburuaren hitzaurregilea eta Pentsamenduaren Historian katedraduna Madrileko Unibertsitate Complutensean; eta Pruden Gartzia egilea.

Iruzkin berria

Registroa Erabiltzailea edo E-posta: Pasahitza: Foroetan sarrera bat ipintzeko lehenengo erregistratu behar zara

Mezua Lege oharra onartzen dut

0 iruzkin aurkitu dira 0-tik 0-ra erakusten.    

   

-----------------------
dir.eccion.es- zabaldu- aupatu- bildu- meneame- del.icio.us
Berria lagun bati bidali