Cannesko Zinema jaialdiaren 57.edizioa martxan da

Inaugurazio ekitaldiaren ostean Almodovarren azkena erakutsiko dute lehiaketa sailetik kanpo
2004-05-12 12:44:29

KAIXO.COM/

Hogei herrialdeetako aktore, zuzendari eta eta produktoreen begiradapean Cannesko zinemaldiak ateak zabalduko ditu gaur. Bi astez izarrez gainezka izango da europako zine hitzordurik nagusienetakoa.

Aurtengo programak abangoardiazko zinema egiten duen zinegile ezagunen lanak jasotzen ditu. Hala, Pedro Almodovar espainiarra, Jean Luc Goddard frantziarra, Wong Kar-Wa txinarra eta Michael Moore estatubatuarraren azkenak ikusteko abagunea izango da. Halaber, zuzendari komertzialen lanak ere erakutsiko dira.

Dagoeneko hamaikatxo izarrek konfimartu dute bertaratzea. Hala, besteak beste, Cameron Díaz, Eddie Murphy, Geoffrey Rush, Charlize Theron, Emily Watson, Tom Hanks, Sean Penn eta Naomi Watts ikusteko aukera izango dute zaleek.

Lehiaketa ofizialak 18 film erakutsiko ditu, tartean Latinoamerikako bi ekoizpen;, Walter Salles brasildarrak zuzendutako Che Guevarak Latinoamerikatik egin zuen bidaia jorratzen duen "Diarios de motocicleta", eta Lucrecia Martel argentinarraren "La niña santa".

Gaurko filmik esperotakoena Almodovarren “La mala educación” da, Gael García Bernal aktore mexikarra protagonista duena. Bera da, hain zuzen Sallesen “Diarios de motocicleta” filmeko protagonista ere. Almodovarren filmak 60. hamarkadako bi neskato eta eskola katoliko espainiarreko apaiz baten bizitza jorratzen du, hamar urte ondoren berriro elkar topatuko dutenak.

Erakutsiko diren fimeen artean aipatzekoak dira: "Salvador Allende", Patricio Guzmán txiletarraren lana, "Kill Bill - Volume 2" Tarantinorena, eta Zack Snyderren "The Dawn of the Dead", Terry Zwigoff-en "Bad Santa" eta Irwin Winklerren "De-Lovely".

Aurreko urteekin alderatuz, aipatu beharra dago lan frantziarrak zirela lehen nagusi eta aurten berriz, herrialde horretako hiru lan bakarrik lehiatuko direla. Hautatutako lan frantziarrak Olivier Assayasen “Clean”, Agnes Jaouiren "Comme une image" eta Tony Gatlifen Tony Gatlif dira.

Alemania jaialditik kanpo izan da azken hamarkadan eta orain "Edukators" lanarekin dator, Daniel Bruehl protagonista duen filma, hain zuzen.

Quentin Tarantino izango da epaimahiburu eta berarekin batera, Kathleen Turner, Tilda Swinton eta Emmanuelle Beart airko dira Benoit Poelvoorde aktorea eta Jerry Schatzberg zuzendariarekin batera.

Tarantinok Cannesko Urrezko mazkorra jaso zuen 1994an "Pulp Fiction" filmarekin.

Iruzkin berria

Registroa Erabiltzailea edo E-posta: Pasahitza: Foroetan sarrera bat ipintzeko lehenengo erregistratu behar zara

Mezua Lege oharra onartzen dut

0 iruzkin aurkitu dira 0-tik 0-ra erakusten.    

   

-----------------------
dir.eccion.es- zabaldu- aupatu- bildu- meneame- del.icio.us
Berria lagun bati bidali