Bilbao Ría 2000 Caprira (Italia) bidaiatuko da Abandoibarraren proiektuaren berria emateko xedez

Ekimena enpresa eraikitzaile eta sustatzaile garrantzitsuenei zuzenduta dago, eta baita banketxeetako eta aseguru etxeetako zuzendari eta inbertitzaile handiei ere


2004-05-14 08:41:32

KAIXO.COM/

Bilbao Ría 2000ko ordezkariak Italiako Capri hiriburura joango dira gaur Abandoibarrako dorrearen berri ematera. Erakunde arteko elkarteak higiezinen alorrean liderra den enpresa italiar baten gonbidapenari erantzun dio bisita horrekin.

Izan ere, hiriburu horretan Europako hegoaldean dauden mota horretako lanen berri emateko mintegia antolatzen da noizbehinka.


“Scenari Immobiliari” ko ordezkariek Pellik diseinatutako dorrearen berri izan zuten Cannesko Mipim azokaren azken edizioan. Bilbao Ría 2000 pasa den martxoan joan zen azoka horretara, higiezinen alorreko munduko fororik garrantzitsuenetakora, alegia. Euskal erakundeak inbertsore taldea ezagutu eta erakarri nahi zuen proiektura.

Azoka horren ondoren jaso zuen Italiara joateko gonbitea. Javier Marzana Abandoibarrako proiektuko zuzendariak hitzaldia eskainiko du mintegiaren hirugarren edizioan. Ekimena enpresa eraikitzaile eta sustatzaile garrantzitsuenei zuzenduta dago, eta baita banketxeetako eta aseguru etxeetako zuzendari eta inbertitzaile handiei ere.

Iruzkin berria

Registroa Erabiltzailea edo E-posta: Pasahitza: Foroetan sarrera bat ipintzeko lehenengo erregistratu behar zara

Mezua Lege oharra onartzen dut

0 iruzkin aurkitu dira 0-tik 0-ra erakusten.    

   

-----------------------
dir.eccion.es- zabaldu- aupatu- bildu- meneame- del.icio.us
Berria lagun bati bidali