Bertsolarien udaberriko XX. jaialdian, Fredi Paia, Xabier Amuriza, Joxe Agirre eta Xabier Silveira izango dira bihartik aurrera Bilboko Santutxun auzoan

Karmelo Plazan izango da arratsaldeko ordu batetik aurrera Udaberriko Bertso Saioak jaialdia

2004-05-14 11:11:02

KAIXO.COM/
Bilboko Udaleko Kultura Sailak sustatzen duen Udaberriko Bertso Saioak jaialdia maiatzeko larunbat guztietan izango da, Santutxuko Karmelo Plazan.

Bihar, 13:00etatik aurrera, Fredi Paia, Joxe Agirre, Xabier Amuriza eta Xabier Silveira bertsolariek elkarri joko diote erronka, betiere egitarauaren bultzatzaile Santutxuko Bertso Eskolak jarritako gaiei lotuz.

Xabier Silveira eta Fredi Paia, lehenengoa Nafarroako egungo bertsolari txapelduna eta bigarrena, 2004ko Ibilaldiaren abestiaren egilea eta Bizkaiko Bertsolarien txapelketan hirugarren postua lortu zuena, norgehiagokan arituko dira beterano birekin: bata, Joxe Agirre eta, bestea, Xabier Amuriza, bizkaitar idazlea eta Euskal Herriko Bertsolari Txapelketa biren irabazlea, 1980 eta 1982an.

Aurreko edizioak hainbat lekutan egin dira, esaterako, Areatzako kioskoa, Bidebarrietako liburutegia, Kafe Antzokia, Santiago Plaza edo Deustuko San Pedro plazan. Azken edizioetan, argi geratu da kale agerraldia izan behar duela, eguraldiak lagundu ez arren, ahozko literaturaren berezko esparrua horixe delako. Santutxu auzoa aukeratu da aurtengo jaialdia egiteko; hain zuzen ere bertan dago bertso eskola aitzindari bat.

Bizkaiko hiriburuan, euskal kultura eta hizkuntza sustatzeaz gainera, Udaberriko Bertso Saioak ekitaldiak euskaltzaleentzako topagune izan nahi du eta hiriko bertso eskolek egiten duten lana sustatu nahi du.

Parte-hartzaileak

Maiatzaren 22an eta 29an, larunbatarekin, bertsolari ospetsu gehiago izango dira jaialdian. Hilaren 22an, Amets Arzallus nafar txapelduna eta Igor Elortza, Bizkaiko txapelketa hiru bider irabazitakoa, entzun ahal izango ditugu. Eta taldea osatzeko, Hernanitik etorriko zaizkigu Jesus Mari Irazu, eta Maialen Lujanbio, aurtengo Gipuzkoako txapelketaren irabazlea. Jaialdiaren XX. edizioa maiatzaren 29an amaituko da bizkaitarren emanaldiarekin, Arkaitz Estiballes, Iratxe Ibarra, Gregorio Larrañaga "Mañukorta" eta Oihana Bartra Santutxuko bizilaguna.

Iruzkin berria

Registroa Erabiltzailea edo E-posta: Pasahitza: Foroetan sarrera bat ipintzeko lehenengo erregistratu behar zara

Mezua Lege oharra onartzen dut

0 iruzkin aurkitu dira 0-tik 0-ra erakusten.    

   

-----------------------
dir.eccion.es- zabaldu- aupatu- bildu- meneame- del.icio.us
Berria lagun bati bidali