Abenduaren 2tik aurrera ''Pailazokeriak'' Txirri, Mirri eta

Imanol Zinkunegi zuzendari gaztearen eskutik, Txirri, Mirri eta Txiribiton pailazo ezagunak marrazki bizidun bihurtuko dira lehen aldiz zine luzemetraia batetan eta mundua salbatzeko abentura harrigarri batean murgilduko dira.
?Pailazokeriak? izena duen haurrentzako animaziozko pelikula hau abenduaren 2tik aurrera Euskal Herriko zinema aretoetan egongo da ikusgai.
2005-11-26 08:33:29

Txirri, Mirri eta Txiribiton euskal pailazo ezagunak dira ?Pailazokeriak? filmaren protagonistak. Ipar eta Hego Poloak urtzen ari dira, eta itsas azpian Lady Kontrol zitalaren aginduetara dauden errobot maltzurrak sarraski ikaragarria egiten ari dira.

Hiru pailazoak itsas azpiko animalia harrigarri batzuen laguntzaz, Lady Kontrol krudelaren asmoak zapuzteko prest daude, ordea. Ezin dute eta haurrei irribarrea lapurtu nahi dien inor begi aurrean ikusi. Hortaz, Tortolika gainean igo, eta itsas hondora joko dute; arrisku guztiak gaindituz, Lady Kontrol zitalari aurre egiteko.

Imanol Zinkunegi azpeitiarraren lehen filma da zuzendari moduan, urte asko ibili bada ere animazio munduan lanean. Joxan Muñoz eta Juanba Berasategik idatzi dute gidoia eta musika Joserra Senperena musikari donostiarrarena da. Bikoizketa aktoreak pailazoak berak izan dira, Xabier Otaegi (Txirri) eta Jose Ignazio Ansorena (Mirri).

Hala ere, beste aktore askok ere parte hartu dute filmean, Kontxu Odriozola, Xabier Hormaza eta Iñaki Beraetxe adibidez. Guztira, ehun profesional inguruk lan egin dute Euskal Herrian euskara hutsean emango den pelikula honetan. Aste Santu garaian beste bertsioetan banatuko da estatu mailan. Pelikula LOTURA FILMS produktorak ekoiztu du, Puxtarri, ETB eta ICAAren laguntzarekin eta Hordago Film Distribution enpresa euskaldunak banatuko du Euskal Herri mailan.

Estreinaldi ofiziala abenduaren 2an izango bada ere, aurretik azaroaren 27an aurreestreinaldia antolatuko da Donostiako Kursaal 2an.Bertan, ?Pailazokeriak? pelikulan parte hartu duten guztiak batuko dira, Txirri, Mirri eta Txiribitonekin batera eta haur saharauiak ere ikusi ahal izango ditugu. Ekitaldian, aktuazioak, musika eta opariak egongo dira umeentzat.

Gainera, Hordago banaketa enpresaren eskutik, pelikularekin bildutako diru kopuruaren parte bat ?Saharan Poz? kanpainari laguntzeko izango da. Euskadiko Saharako Lagunen Elkarteak lurralde horretako haurrak laguntzeko bideratuko du kopuru hori eta komunikazioaren eta ikus-entzunezkoen alorrean hobekuntzak egingo ditu. Beraz, zine sarrera bakoitzetik parte bat Saharako haurrak laguntzeko bideratuko da elkarte horren bitartez.

Informazio gehiagora: HORDAGO FILM DISTRIBUTION (943 29 22 55)

Iruzkin berria

Registroa Erabiltzailea edo E-posta: Pasahitza: Foroetan sarrera bat ipintzeko lehenengo erregistratu behar zara

Mezua Lege oharra onartzen dut

0 iruzkin aurkitu dira 0-tik 0-ra erakusten.    

   

-----------------------
dir.eccion.es- zabaldu- aupatu- bildu- meneame- del.icio.us
Berria lagun bati bidali