XIX. AZKOITIA-AZPEITIA erdi maratoia

XIX. AZKOITIA-AZPEITIA Maratoi Erdia aurkeztu nahi dizuegu lerro hauen bidez.

1994.urtean jaio zen proba hau eta urtez urte bere historia jorratzen doa. Hasiera berezia izan zuen AZKOITIA-AZPEITIAk. Gure artean bizi zen eliteko atleta baten ametsa izan zen proba hau burutzea. Bere lagunak gonbidatuz eman zion kalitatea proba honi, palmaresean azaltzen den bezala. Olinpiadetako prestaketa bezala erabili zen 1996.urtean, martxotik ekainera pasatuz proba. Munduko txapeldunak ekarri zituen, txapeldun izan ziren garaian. Eliteko atleta hura, olinpikoa zen, europako maratoi azpi txapelduna, baina gauza guzti hoien gainetik, historian izan den korrikalari eskuzabalena izan dela esan dezakegu, Diego. Badira 11 urte gure izarra itzaldu zela, baina oraindik bere distirak, urtez urte martxoko azken larunbatean argitzen dira.

Gaur egun AZKOITIA-AZPEITIA ezaguna da estatu osoan. Ibilbide azkarra, lasterketa polita, giro aparta, antolakuntza konprometitua, bi herriak bat eginik!. Diegok bazuen izakera berezi hori, asko ematearena, garrantzirik eman gabe zer jasoko zuen!. Oraindik bere lanak, fruituak ematen jarraitzen du, eta azken urteetan lortu diren emaitzak harro sentiaraz gaitzake lasterketa honetan parte garen guztioi.

XIX. edizio honek pausu berdinak jorratu nahi ditu. Ez dira garai honenak, ekintza bereziak egiteko, baina urtean behin egiten den maratoi erdi honek bere izakera ez galtzea nahiko genuke. Diegoren nahia eliteko atletak ekartzea zen, korrikalari herrikoiekin batera korri egin zezaten. Ez dira munduko txapeldunak etorriko, baina badira munduan, elite mailan lasterketa hau korritzeko gogoz daudenak. Markak hobetzen goaz, beraz ea 2012an lortzen dugun irabazleak proba hau 60 minutu azpitik egitea eta herrikoiek, inguruan sortzen den giroaz gozatzea, beraien denborari garrantzia eman gabe!.

Martxoaren 31rako gonbidatuta zaudete guztiok!.
Hasiera data:2012-03-31
Bukaera data:2012-03-31
Helbidea: , Azpeitia
Web orria: http://www.sarralle.com/media-maraton/

Altitudea: 43.1839001
Latitudea: -2.2654657