DONOSTIA, 28 (EUROPA PRESS)

Mariasun Landa idazle gipuzkoarraren 'Kokodrilo bat ohe azpian' liburua, Espainiako Kultura Ministeritzako 2003ko Gazte eta Haur Literatura sailean sari nahusia lortu zuena, nazioarteko haur liburu-zerrenda ospetsu baten gomendioen artean jarri dute, hain zuzen ere IBBY deritzon International Board on Books for Young People-n Ohorezko Zerrendan.

Euskadiko Liburuaren Ganberak ohar batean azaldu duenez, nazioarteko erakunde hau mundu osoako haur eta gazte literaturan aditua da eta bi urtero esparru hontako idazle, liburu eta argitalpenen ohorezko zerrenda bat egiten du lan hauen hedapen eta argitalpenak nazioartaratu asmoz.

Gainera, oraingoa bigarren aldia izan da Landaren liburu batek, euskarazko bere hasierako bertsioan, zerrenda honetan agertzen dela, aurretik 'Iholdi' lanarekin nazioarteko zerrenda berean sartu baitzuten 1992an.

Ohorezko Zerrenda hau IBBYren XXX. Kongresu Mundialean aurkeztuko da Pekin hiriburu txinarrean eta geroxeago Japonia, Estatu Batuak edota Suitza bezalako herrietatik egingo den erakusketa ibiltari batean izango da.