Dolby soinua eta 100 eserleku dituen egokitutako areto batean, ostegunero 19,30etan eta sarrera dohainik, laburmetrai ugari

BILBO, 28 (EUROPA PRESS)

Bilboko Udaleko Kultura eta Euskera Sailak zinema alternatiborako 'Zinebiklub' izeneko esparru berria sortu du Bilboko Udalak Abandoko Barrainkua Udaltegian ostegunero, aste honetatik aurrera, arratsaldeko 19,30etan Dolby soinua eta 100 eserleku dituen egokitutako areto batean Bilboko Film Labur eta Zinema Dokumental Jaialdian aurkeztutako filmak eskeiniko direlarik.

Ekimen hau gaur goizean aurkeztu da hiriburu bizkaitarrean udal bilbotarreko Kultura eta Euskara Saileko zuzendaria Gonzalo Olabarriak, eta Zinebiko zuzendaria Ernesto del Rioren eskutik eta etorkizunari begira, asmoa da Barrainkua ikus-entzunezkoen euskal industriari laguntzeko esparru eta sektorean eztabaida eta hausnarketa pizteko foro bihurtzea.

Ekimenak hainbat helburu ditu, eta nagusia Bilboko zinema eskaintza osatzea da. Areto komertzialak ez ezik, Hiriak Arte Eder Museoko zinemateka ere badu. bertan gaur egungo egileen zein klasikoen zikloak programatzen dira. Gainera, Fas zine-klub beteranoa ere hortxe dago, 50 urte baino gehiagoko eskarmentuarekin.

Eskaintza berri honek gure pantailetan urria den ikus-entzunezko mota baten programazio egonkorra ekarri nahi du, film laburrena eta beren azpi-generoena, hain zuzen ere: fikzioa, animazioa, dokumentalak, esperimentala, eta abar. Kontuan izan behar da, gainera, film laburrak egile berrientzako eskola eta ezagutarazteko tresna ere badirela.

Beste alde batetik, 'Zinebiklub'ek ikus-entzunezkoen alorreko jarduera egonkor eta iraunkorra dakarkio Udalaren Kultura eta Euskara Sailaren programazioari. Aldi berean, Barrainkuako proiekzioek presentzia handiagoa emango diote Zinebi Jaialdiari berari, egiten diren datetatik kanpo.

IKUS-ENTZUNEZKOEN INDUSTRIAREN BABESLE

Ekimenaren beste asmo bat zinemarekin eta ikus-entzunezko industriarekin lotutako jarduerak aurkezteko eszenatoki izatea ere bada: programazioan sartutako zinemagileen aurkezpenak, topaketak, hitzaldiak, mintegiak eta, oro har, Bilboko zein Euskal Herriko ikus-entzunezkoen sektorearekin konprometitutako eragileentzako prestakuntza eta dibulgazio ekintzak: hezkuntza erakundeak, zinema eta telebista produktoreak, kultur erakundeak, beste jaialdi batzuk.

Gaur egungo ikus-entzunezkoen mundu konplexuari alde guztietatik heltzea izango da kontua: kulturaletik, ekonomikotik eta industrialetik. Oraingoz, 'Zinebiklub' ostegunean irekiko da, martxoaren 2an, Zinebiren azkeneko edizioan saritutako filmekin. Horiek Eslovakia, Brasil, Iran, AEB, Txile, Japonia, Polonia, Alemania eta Erresuma Batutik datoz.

Haiekin batera, euskal ordezkaritza Igor Legarreta eta Emilio Pérezen "El Gran Zambini" eta Isabel Hergueraren "La gallina ciega" lanek osatuko dute. Ekainaren 15era arte hamar saio programatu dira, gero udako etenaldia egiteko. Irailetik aurrera, programazioari berriro ekingo zaio, urtea amaitu arte.